放假瞓到黃朝百晏不是錯！研究：補眠可以打勻條數～拯救死亡率！

放假補眠堅有用，補眠完死亡率同每日瞓夠7個鐘嘅人差唔多喎！幾大都瞓左先！

一星期多前斯德哥爾摩大學係《睡眠研究期刊》公佈左一個研究，指出假日補眠可以抵銷返平時嘅唔夠瞓，拉勻返條數仲可以降低死亡率㗎！係夜瞓打工仔嘅喜訊啊～

Photo from Shutterstock

研究中分析咗近4萬4千名65歲以下嘅瑞典人，根據佢地嘅睡眠習慣作出歷時13年嘅觀察。研究者將測試類別分為每日瞓少於5個鐘／大約7個鐘／9個鐘或以上～

Photo from Pinterest

資料顯示每日瞓少於5個鐘嘅人死亡率比正常睡眠7個鐘嘅人高出52%，而每日瞓少於5個鐘嘅人係週末有長睡眠時間（～9小時）的話，死亡率就維持到同正常睡眠7個鐘嘅人一樣啦！

Photo from Pinterest

由此看來，撇除其他因素影響，得出一個結論就係一至五瞓得少都好，星期六日補眠呢個組合係work㗎！可以彌補到睡眠不足對死亡風險嘅影響㗎～

Photo from Pinterest

雖然睇完個研究，夜瞓嘅小編表示安心～

Photo from Pinterest

不過數字還數字啫，但係生活作息都係定時啲好～減少對身體嘅即時影響嘛，皮膚啊、脾胃、精神等等⋯⋯

資料來源：Journal of Sleep Research

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載