三人旅行躲不過的事 細數5大麻煩事 你是2+1的1嗎？

唔知大家鍾意幾人旅行多啲呢？1個人就自在啲，唔洗你就我我就你咁，不過就悶啲囉～有無fd子試過去3人旅行？小編覺得，如果去完3人旅行都無鬧交，呢份友誼真係要好好珍惜喇！3人旅行遇到嘅狀況好似一般都比2人旅行多，唔知你又有無遇過呢？

1. 2:1點算好

Crystal 張紋嘉（@quicheung）分享的貼文 於 PDT 2018 年 5月 月 4 日 下午 9:00 張貼

兩個人去旅行有紛爭，都話係1:1打～和～姐，但係3個人去旅行，2：1 點好，玩杯葛姐依家。3個人一齊，有2個人特別趣味相投一啲都唔出奇，之但係第3個人就會酸酸的囉。陣間阿A話食燒肉，阿B就話食壽司，然後阿C就buy阿B食壽司，咁阿A就會好晦氣咁話，食壽司囉咁！久而久之，阿A就會覺得無人care佢嘅意見～

2. 兩個兩個邊個坐

♥selina♡（@selinanahaha）分享的貼文 於 PDT 2018 年 6月 月 18 日 上午 2:12 張貼

去旅行有時都會搭下巴士，咁巴士通常都係兩個兩個坐嘅，就算唔係巴士，餐廳都會喇掛，咁點好？始終都係要有一個單丁，坐咁耐車已經好辛苦，仲要自己一個坐，好悶㗎嘛～仲要一齊坐嗰兩個自己喺度密密斟，佢兩個講到沈醉喺自己世界時，你插嘴又唔係。

3. 你兩個自拍 我唔通做萬能key咩

Crystal 張紋嘉（@quicheung）分享的貼文 於 PDT 2018 年 4月 月 3 日 上午 5:58 張貼

仲要兩個人一齊坐又好，一齊行又好，有時都會自拍下，可能佢地只係想即興影張相，但你見到嗰下又會覺得點解唔叫埋你一齊影，你諗緊攝唔攝入鏡時，就發現佢地嘅樣已經佔據成個mon，你就廢事尷尬扮睇唔到，呢個時候，佢地瞄到你就叫埋你一齊影，你就扮曬無嘢咁，笑～～～故事就係咁樣發展落去...

4. 沖涼出面細聲講大聲笑

Charlene Choi（@choisaaaa）分享的貼文 於 PDT 2018 年 6月 月 15 日 上午 9:20 張貼

返到酒店，邊個沖涼先都可能成為大家鬧交嘅原因。不過，重點都係自己沖緊涼嗰陣會怕出面嗰兩個講緊自己，聽到聲都無咁驚，起碼知佢地講緊咩阿嘛，聽到細細聲嗰下就真係，難免會疑心重咗啲～話曬旅行對足咁多日，有少許輕微衝突都好正常嘅..

5. 唔通3個平排霸曬條路行咩

TIFFANY YOUNG（@tiffanyyoungofficial）分享的貼文 於 PDT 2016 年 8月 月 11 日 下午 2:02 張貼

條路好大咩你估，所以兩個一個咁行係好正常，佢地喺前面講嘢，你諗住join佢地，就行前啲聽喇，太前又會踩到佢地。好老尷喇係咪？但係行得太慢又點啊？俾其他人超前你，慢慢慢慢你就同佢地距離幾個身位，而最慘嘅係咩啊？係過咗咁耐，佢地都無發現你甩咗啊...

小編就覺得，唔係好有信心，又唔想因而產生摩擦嘅話，就三思而後行喇～
Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）