2019年白川鄉點燈日期出爐 要預約先睇到夢幻雪中薑餅屋點燈！4大預約方法逐個睇

睇白川鄉點燈係好多人嘅「人生必到景點」，因為入黑嘅「雪中薑餅屋」真係好靚好夢幻。而2019年點燈日期終於出爐，不過需要事前預約先可以睇到。

Photo from shutterstock.

因為每年點燈活動都會吸引唔少旅客前往白川鄉，不過因為白川鄉唔算大，可以睇到點燈嘅展望台容納人數有限，所以由2019年開始，白川鄉點燈活動流程都有所不同，要注意嘅係點燈日子用邊種交通工具前往，無事前預約，都唔可以進場。

Photo from shutterstock.

點燈日期
1月14日(一)
1月20日(日)
1月27日(日)
2月 3日(日)
2月11日(一)
2月17日(日)

5日點燈活動開始時間都係17：30～19：30

Photo from shutterstock.

不過點燈活動為完全預約制，無事前預約係唔可以入村，官網提供4種申請預約方法，而預約詳細資料會喺8月中(8月10 -20日)發表。

Photo from shutterstock.

4種方法都係需要事前預約：
1. 當晚於村內留宿
可經觀光協會預約，而留宿預約名額並非先到先得方式，而是經抽籤所得。詳細資料會於8月中網頁上發表。

亦可以預約村內個別民宿，8月頭就會喺白川鄉官網公佈可預約嘅個別民宿清單，而喺點燈日子前民宿都唔會接受任何預約申請。

2. 當日自駕來回利用停車場
8月中接受申請，同樣並非先到先得名額，以抽籤形式決定當選者。
停車場： 3,000円 / 輛 (1輛最多乘坐8位乘客，9 – 12位乘客： 5,000円 / 輛)
前往展望台的接駁巴士車票： 1,000円 / 位

＊只有持有接駁巴士車票遊客方可進入展望台。以抽籤形式決定當選者。
＊請預先在網上以信用卡支付所有費用。
大會將會透過電郵發送詳情予當選者

Photo from shutterstock.

3. 旅遊巴士 (旅行社）
唔同旅行社都會舉辦唔同嘅旅行團，會有包含點燈活動，詳情要到各大旅行社查詢。

4. 公共巴士（巴士公司）
各大巴士公司應該亦開始接受報名，歷年會有濃飛巴士公司、加越能巴士公司等，各巴士公司提供唔同嘅方案畀大家選擇。

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載