韓國Daiso推出Pantone 27款年度紫色產品！樣樣都抵又實用 紫色控小心燒到銀包啊！

全球聞名嘅顏色權威機構Pantone每年都會發表一隻年度色，而今年嘅Ultra Violet紫外光色睇落超靚，亦深受大家歡迎！但可能因為紫外光色有啲難carry落產品當中，看似喱半年都甚少有品牌推出喱隻紫色系列商品。各位紫色控唔洗咁失望住！以下落嚟嘅紫色產品樣樣都又靚又實用，中意紫色嘅朋友小心燒到荷包啊！

Photo from Daiso官網

韓國連鎖日用品超市Daiso就喺今個7月，新推出「YOU ARE MY VIOLET」系列商品，當中全部都以今年Pantone年度色紫色為主，而且大部分產品實用之餘仲好平，鍾意紫色嘅朋友記得要帶佢哋返屋企啦！

Photo from IG@daisolife

紫羅蘭色水球原子筆（黑色/0.5mm）：2000韓圜（約港幣14元）

文具當然係必推產品之一！Dasio新推出「Waterball Ball Pen」原子筆，除咗成支筆幹都係紫色外，上面仲有玫瑰或者月亮圖案選擇，相信無論大人定小朋友都一定會好鍾意啊！

Photo from IG@daisolife

紫羅蘭色原子筆連筆袋套裝（黑色/0.7mm）：3000韓圜（約港幣21元）

另外仲有一款超高貴原子筆連筆袋套裝，除咗同樣成枝筆幹都係紫色，連筆袋都係超靚嘅閃紫！而原子筆頂部仲有一朵金色玫瑰花，低調得嚟好靚好華麗，用支靚筆寫字都開心啲！

Photo from IG@daisolife

而個筆袋更加係用防水物料製成，有銀色同閃紫色揀！但原子筆連筆袋套裝將會喺7月底先推出，中意嘅朋友要先忍忍手啦！

Photo from IG@daisolife

遮蔽式MT膠帶（3個）：1000韓圜（約港幣7元）

連文具控最鍾意嘅MT膠帶都有紫羅蘭色系啦！仲要款款都好靚好特別，有紫色珍珠、玫瑰同月亮款，而且仲好平！

Photo from IG@daisolife

脫離式MT膠帶：1000韓圜（約港幣7元）

之前日本好興嘅櫻花花瓣MT膠超受歡迎，而家呢個紫羅蘭色玫瑰花MT膠帶都好特別，入面仲有唔同款式，一卷約有100張，無論貼喺筆記簿定行事曆都好好睇！

Photo from IG@daisolife

紫羅蘭Memo Pad（100張）：1000韓圜（約港幣7元）

返工返學總有一堆Memo紙mark曬行程同重要事，真係見到都頭暈啊！喱款紫羅蘭Memo Pad性價比好高，仲有唔同款式揀，唔知用張靚嘅Memo紙又會唔會令大家心情大增呢！

Photo from IG@daisolife

Photo from IG@daisolife

紫羅蘭色厚襪子：1500韓圜（約港幣10元）

最近好多人都會着唔同顏色嘅中長襪作穿搭，而以上3款唔同深淺嘅紫色厚襪子，中意紫色嘅朋友總有一對啱你襯衫用！仲有一款閃紫色襪好似銀河咁都好靚，紫色從此變得唔難襯！

Photo from IG@daisolife

紫羅蘭電腦鍵盤：5000韓圜（約港幣35元）
紫羅蘭有線滑鼠：5000韓圜（約港幣35元）
紫羅蘭無線滑鼠：5000韓圜（約港幣35元）
紫羅蘭滑鼠墊：2000韓圜（約港幣14元）

覺得自己辦公室都係唔夠紫嘅話，不妨考慮下以上系列嘅電腦周邊用品啊！無論鍵盤定滑鼠都係襯埋一set，滑鼠仲細心地分咗有線同無線比大家揀，返工做嘢見到自己鍾意嘅顏色都特別開心！

Photo from IG@daisolife

Photo from IG@daisolife

紫羅蘭色閃爍午夜膏狀眼影：3000韓圜（約港幣21元）
紫羅蘭色金屬長方形袋：3000韓圜（約港幣21元）
紫羅蘭色金屬半圓形袋（小）：2000韓圜（約港幣14元）
紫羅蘭色金屬半圓形袋（中）：3000韓圜（約港幣21元）

既然有咁多小物都係紫羅蘭色，當然要用一個紫色嘅袋裝住佢哋啦！3款紫羅蘭色金屬袋都非常好用，放女性用品、化妝品、雜物等等都無問題！

Photo from IG@daisolife

紫羅蘭膏狀眼影（左一）：2000韓圜（約港幣14元）
紫羅蘭色胭脂（左二）：2000韓圜（約港幣14元）
Violet Tone Up Cushion（中間）：5000韓圜（約港幣35元）
紫羅蘭閃爍珍珠粉（右二）：2000韓圜（約港幣14元）
紫羅蘭花朵眼影（右一）：2000韓圜（約港幣14元）

有化妝袋當然有紫羅蘭色嘅化妝品啦！唔好以為紫色嘅化妝品好難用，會好似中毒咁，Daiso個紫羅蘭系列推出嘅化妝品都係偏紅帶紫，接近豆沙色，絕對百搭又易襯！

Photo from IG@daisolife

重點係連化妝品都好平，就算係Cushion都只售港幣35蚊，即使有用開嘅品牌化妝品，買佢個包裝換返自己日常化妝品，咁就真係成個裝都係紫羅蘭色啦！

Photo from IG@daisolife

Photo from IG@daisolife

紫羅蘭色指甲油套裝（3枝裝）：3000韓圜（約港幣21元）
紫羅蘭色閃亮指甲銼（2塊袋）：1000韓圜（約港幣7元）
紫羅蘭指甲貼：2000韓圜（約港幣14元）

紫羅蘭色嘅指甲油都好靚好亮麗，同時有唔同深淺、有閃粉無閃粉嘅指甲油揀，襯埋個指甲銼用就perfect啦！

覺得搽指甲油麻煩嘅朋友，都可以用指甲貼紙，易用又方便，簡直係懶人恩物啊～

Photo from IG@daisolife

Photo from IG@daisolife

紫羅蘭色玻璃杯（400ml）：3000韓圜（約港幣21元）

而玻璃杯都設計得好細心，中間有個防滑墊，唔怕冼手之餘，斟熱飲都唔會燙襯啦！但記得裝開水或熱水時，如果突然注入冰水，可能會因為溫度波動而破裂㗎，大家用玻璃杯嘅時候記得小心為上！

Photo from IG@daisolife

紫羅蘭色護髮/染髮劑（灰粉/灰紫色）：3000韓圜（約港幣21元）

呢款護髮產品喺使用約5~7天後，頭髮受損程度會逐漸減少，染髮的話可以用灰紫，上色自然，而且都係近年大熱嘅染髮顏色！

Photo from IG@daisolife

Photo from IG@daisolife

紫羅蘭色香薫瓶（200ml）：5000韓圜（約港幣35元）

紫羅蘭色香薫瓶喺瓶上透到少少幻彩紫紅色，好靚好夢幻，放喺屋企聞得又睇得！

Photo from IG@daisolife

眼罩：1000韓圜（約港幣7元）

瞓覺都有紫色陪住你啊！眼罩上有紫色夜空圖案，帶去旅行用就啱晒啦！

Photo from IG@daisolife

紫羅蘭色包裝紙：1000韓圜（約港幣7元）

想燒到身邊朋友都一齊成為紫色控？不妨就係佢生日或送禮物時用呢個紫色花紙包比佢啦！仲有3款圖案比大家慢慢揀，分分鐘連對方都會漸漸愛上紫色！

Photo from IG@daisolife

一次過睇完咁多紫羅蘭色產品，各位紫色粉絲係咪花多眼亂同時又好心動想買曬佢哋呢！大家記得快啲入手啦！

Photo Credit: IG@daisolife、Daiso官網

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）