超強聯手！結衣bb聯手《大叔的愛》春田田 10月出擊

新垣結衣喺2016年憑《逃避雖可恥但有用》橫掃7個「最佳女主角」獎，成為當年日劇大贏家。結衣bb有咁嘅成績除咗因為佢出色嘅演技外，更加唔少得編劇野木亞紀子嘅功勞。

而近日就有日本傳媒透露結衣將會同野木亞紀子再度合作，引嚟網民嘅熱切期待！

Photo from 《逃避雖可恥但有用》

Photo from 《Code Blue 3》

Photo from 《Code Blue》電影官網

結衣bb主演嘅《Code Blue》電影已經喺7月17號喺日本上映，成績唔錯。

而男主角之一就係近期人氣爆燈嘅「春田田」田中圭，佢出演嘅BL劇《大叔的愛》話題極高，唔單止日本，喺海外都大受歡迎，春田田、阿牧同部長嘅三角戀真係好正！

Photo from 《大叔的愛》

Photo from 《大叔的愛》

Photo from 《大叔的愛》

部長、阿牧為咗得到春田田嘅心，都付出咗好多！

今次春田田同結衣合作，唔知又會有咩火花呢？

而另一位男主角就係喺《我的毒男叔叔》飾演毒男叔叔嘅松田龍平喇！松田龍平憑住電影《宅男的戀愛字典》喺2013年勇奪包括日本電影金像獎在內一共8個最佳男主角獎項，絕對係實力派！

Photo from 《我的毒男叔叔》

今次係佢繼2017年《四重奏》後事隔一年半再次出演電視劇，難怪引發大眾期待！

Photo from 《四重奏》

Photo from 《四重奏》

《四重奏》入面嘅松田龍平造型斯文～

編劇野木亞紀子擅長改編漫畫、小說作品，結衣bb主演嘅《逃避雖可恥但有用》正正就係由漫畫改編，不過今年一月由石原里美主演嘅《Unnatural》，就係野木亞紀子嘅原創作品，所以估計今次應該都係原創劇本。

劇集預計10播出，三位主角嘅演技毋庸置疑，難怪引發劇迷期待！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）