學歷等於智商？英國研究：女人愈愛飲酒智商愈高 以後冇藉口唔畀飲喇

應該唔少鍾意飲酒嘅人都會聽過「飲少啲喇！」、「傷身呀！」之類嘅話，不過早前英國就有研究指鍾意飲酒嘅女人智商係比唔鍾意飲酒嘅人高。

根據倫敦政治經濟學院（The London School of Economics and Political）對數千名男女進行嘅一項調查顯示，如果細個時考試成績係中等或高等嘅女性，成年後飲酒率同消費，係其他女性嘅2.1倍。

而學歷高嘅女性，相對於學歷較低嘅女性，平日飲酒嘅可能性高於71%到86%。即教育程度越高，佢嘅收入同平日飲酒嘅機率就愈高，亦比較會用多啲錢飲酒。

Photo from Shutterstock

研究中解釋指學歷高嘅女人對結婚、生育會比較遲，所以社交生活比較豐富。佢哋更有可能係喺男性主導嘅職場工作，加上佢哋有可能因為從小喺中產、富有家庭長大，有機會經常接觸到酒的習慣，令佢哋養成小酌嘅習慣。

Photo from Shutterstock

不過學歷愈高嘅女性，同時亦比一般女性容易有酗酒問題。因此，建議大家飲酒都係適量就好，千萬唔好為咗證明自己嘅智商，而去狂飲呀！

Photo from Shutterstock

資料來源

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）