里拉大跌！遊土耳其好時機！推介4大城市必去仙氣景點

土耳其貨幣里拉近日急劇貶值，旅遊成本比起往年平一大截，而家當然係遊當地嘅好時機！本身出名多靚人靚景嘅土耳其，地大物博，由現代化大城市到寧靜小鎮都引人入勝，行街食好西到睇歷史遺跡、天然靚景都樣樣有！

計劃去土耳其嘅話，以下著名景點不能錯過：

伊斯坦堡

伊斯坦堡係土耳其最大城市，亦是經濟、文化、歷史中心。歐洲揉合伊斯蘭風格建築到處不在，古典教堂、清真寺都宏偉精緻，即使唔係教徒都值得一訪。

蘇丹艾哈邁德清真寺因多使用藍磚塊而建，所以又名「藍色清真寺」，已有400多年歷史，係土耳其國教伊斯蘭教嘅地標。

Photo from shutterstock

不過要留意，即使係遊客都要尊重伊斯蘭風俗，禁止著背心短褲進場，同埋預先去官網睇定其閉館禮拜時間，避免「摸門釘」。

Photo from Blue Mosque

聖蘇菲亞大教堂喺正藍色清真寺對面，裝潢金碧輝煌。

Photo from shutterstock

難得一見天主教可以同伊斯蘭喺建築上互相融合！

Photo from shutterstock

其他歷史遺跡景點包括托普卡匹皇宮、地下水宮殿（Basilica Cistern）、加拉達石塔（Galata Tower）等。

Photo from shutterstock

另外必行古老市場大巴扎（The Grand Bazzar），Bazzar喺阿拉伯文解市集。顧名思義，大巴扎有齊各式商店，土耳其最著名嘅咖啡、茶葉、糕點、香料、地毯、精品通通都買得到。

Photo from Contemporary Nomad

Photo from Istanbul Tour Studio

奇石林

卡帕多西亞（Cappadocia）嘅Goreme奇石林被聯合國教科文組織列為世界自然及文化雙遺產。呢個小城佈滿由火山爆發形成嘅奇形怪石，同埋古人居住嘅洞穴房屋、小教堂等。

Photo from shutterstock

去奇石林唔玩熱氣真係等於無去過！日出時高空俯瞰奇石林全貌，極之壯觀！人生必睇！

Photo from shutterstock

更不得不試就係喺洞穴改建而成嘅酒店（Cave hotel）住返晚！岩石洞配中古佈置，超有古堡感覺！

Photo from booking.com

Photo from booking.com

棉花堡

棉花堡（Pamukkale）位於土耳其代尼茲利省境內，天然溫泉同埋全白色石灰岩溶洞，猶如一座雪白城堡，並被列入為聯合國教科文組織 (UNESCO) 世界遺產！

Photo from shutterstock

雪白梯田形狀溫泉，面對對岸高山叢林美景，長期都有各地遊客都慕名而來浸一浸！如果唔想同人逼，都可以去當地其他溫泉泳池。

Photo from shutterstock

以弗所

以弗所（Ephesus）位於土耳其伊茲密爾省（ İzmir ），曾經係古羅馬統治下嘅文化大都會。對歷史有興趣嘅朋友必去以弗所大型遺址廢墟，古羅馬劇場、圖書館、神廟都保存得非常好。

Photo from shutterstock

Photo from shutterstock

土耳其旅遊資訊

語言：土耳其語、英語

宗教：多數為伊斯蘭教

貨幣：土耳其里拉

簽證：香港居民持香港特區護照可免簽證

注意：港府對數個當地城市發出黃色或紅色外遊警示，詳情請到保安局網頁

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）