唔同回覆message嘅方式 代表唔同性格 打論文嘅人是善良的！

相信大家都有同唔同人send message嘅經驗㗎喇！而喺唔同對話入面，都會發現到唔同嘅回應模式，當中有啲回應的確係會令人想翻番個白眼先。好似有時打咗一段文字，然後換黎對方一個「嗯」，okay fine！又有時可能同佢講話聽日幾點邊度等啦，佢覆咩你知唔知，「K」，係「K」，哇真係，心諗打多個「O」字係咪會令你賺少10球。

Photo from shutterstock

不過隨住send message漸漸成為主要溝通渠道，都已經習慣咗各式各樣嘅回應方式，而大家會有「唔喜歡」嘅感覺，也許只係唔習慣對方嘅模式姐。最重要嘅係，文字有時真係好死，同一個字用唔同腔調表達，可以有唔同嘅效果感覺，可能你所想嘅語調同回覆者所想表達係有出入呢？

Photo from shutterstock

美國賓州坦普爾大學就針對呢樣嘢進行一項調查，從唔同使用／回覆訊息嘅行為，去睇你嘅性格。

1. 每5秒...就會檢查一次手機...而且秒睇秒回

Photo from shutterstock

調查發現呢類人可能係衝動同埋比較容易唔耐煩嘅人。當中有84%嘅人表示無辦法成日都唔用手機。

Photo from shutterstock

亦有44%嘅人表示訓教都要有手機喺隔離，唔想miss咗任何通知。而呢個行為係暗示呢類人嘅控制慾十分強烈，對於「延遲滿足」難以容忍。

2. 成篇論文咁覆

Photo from Presslogic

每當你唔開心或者訴緊苦嘅時候，總係有人成篇essay咁覆你，真係巧感動喔。原來呢類人係富有同情心同善良，屬於一位好好嘅聆聽者，會提供完整又有幫助嘅建議。佢哋想將自己嘅想法同感受投入文字入面。

3. 鍾意用emoji多過文字

Photo from Presslogic

原來咁樣未必係hea，亦都未必係懶，而係呢類人認為emoji更加能夠表達。亦都說明係個感性、情緒明顯而又直接嘅人，毫不猶豫話俾人知你嘅感受。

4. 可以耐心地長時間等待對方回覆

有無人試過同人send message，一見到對方覆就會秒速click入去，覆番佢，因為知道對方N耐先覆你一次，就會想趁佢未offline之前覆到佢，等佢即刻覆番你。

Photo from shutterstock

有時如果對方已讀不回，甚至不讀不回，都真係幾躁底㗎！但係如果你係等勁耐，對方都未覆，而你又唔會躁底，即係代表你係好有耐性，亦都比較有自信，能夠掌控自己嘅生活，堅持將時間留喺最美好嘅事物上。

5. 超短回覆

Photo from Presslogic

相信唔少時候都會收到一堆「冷漠」回應，好似「嗯」、「恩恩」、「OK」、「哦」之類嘅說話。

Photo from Presslogic

人哋睇落似係好cool同好倔，不過其實佢唔係有心㗎（應該係），只係佢哋比較誠實、直接、心胸開放，唔會為咗討好其他人而勉強自己格硬覆好長。

Photo from shutterstock

6. 經常漫無目的亂碌手機

Photo from shutterstock

明明無嘢要睇要check，就係鍾意拎起手機亂咁碌黎碌去，有時睇咗啲咩都未必知道。呢類人喜怒無常、情緒唔穩定、缺乏專注力，而且仲係手機重度成癮者啊親...

另外，亦有指出，如果喺send message時分晒段落、完整而又長嘅人，係比較體貼同有同情心，同時亦都比較敏感。

資料來源：Bustle, sweetyhigh

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）