那些年超hit餐廳！無食過都會聽過 網友細數16間：見到好多回憶 你又食過未？

依家香港越黎越多過江龍，又越黎越多新餐廳開，依家講起咩咩餐廳咩咩飲品，都係啲過江龍拉麵台飲pancake嗰啲。有無人記得以前香港有好多餐廳都曾經紅極一時，不過依家唔知去晒邊或者得番極少數嘅餐廳呢？

有網友喺討論區開咗個叫做「一人一間曾經好hit既但依家已經收左皮既餐廳」嘅post，有網友回應表示入黎見到好多回憶，小編一路睇都一路有種「係喎係喎...」嘅感覺。一齊睇睇你又有無食過啦！（排名不分先後）

1. 扒王之王

認真呢間嘢真係全盛時期有成30幾間分店，專賣牛扒嘅連鎖式餐廳。依家得番沙田分店，小編仲記得佢哋係藍紅燈牌嘅。

2. 哈迪斯

Photo from 維基

美國連鎖快餐集團，全盛時期有25間分店！好多人到依家都仲懷念緊以前食星星哈迪斯嘅時候！

3. 明將

明將黎講呢，無食過都聽過啦掛？日式迴轉壽司，極平價任食！經典嘅紅豆軍艦、鹹魚、梅菜扣肉、午餐肉、薯條、可樂糖、啫喱、棉花糖壽司等等。

4. 仙跡岩

5. 仙踪林

仙跡岩仙踪林傻傻分不清楚～

6. 椰林閣

7. 加太賀日式和風料理

呢個純粹搞搞gag～

食過未就唔知啦，不過一定聽過囉！「加太賀日式和風料理送出嘅花之戀壽司...」無錯！就係獎門人送禮嗰陣，被逼背咗出黎...

8. 元綠壽司

9. 綠野仙蹤

10. 東東雲吞麵

11. lab made

嗰陣一出，簡直為之瘋狂，首先係用分子料理嘅概念整嘅雪糕夠特別，連味道都非常吸引！唔係普通就咁朱古力味雲呢拿味，而係特別啲好似紫米露味、流沙奶黃包、腐竹雞蛋糖水。

12. 味千拉麵

雖然味千拉麵仲有好多分店，不過依家多咗好多過江龍日本正宗拉麵店，味千的確少咗好多人幫襯啦。

13. 自家烏冬

除咗味千拉麵，當年真係好hit㗎！覺得好正正子，afford到嘅日本手打烏冬，不過依家原來已經得番荃灣同荔枝角兩件分店了～

14. 熱帶雨林餐廳

15. 超人餐廳

以前都好興嗰啲卡通人物主題餐廳㗎！

16. Baby Cafe

比起以上提及嘅餐廳，Baby Cafe算係近年先出現嘅新餐廳啦，2011年開始，高峰期有4間分店，當年主打日法fushion，一開業嗰陣都好矚目㗎！

相片來源：連登

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）