港鐵回復正常 今早「中大四喜」首次四條路段同時故障 將軍澳成孤島 全城交通幾乎癱瘓

港鐵4條綫（觀塘綫、港島綫、荃灣綫、將軍澳綫）臨時修復完成，班次陸續恢復正常！

港鐵車務總監劉天成向傳媒表示，大約今朝5點半，港鐵職員發現唔能夠向荃灣線、觀塘線同港島線三線列車下達車速指令。其後，為安全起見，港鐵職員改用手動同慢駛，嗰三條線只能維持12至14分鐘班次服務。喺朝早大約6點半，通知相關部門故障問題。

平常繁忙時間，港鐵差唔多2分鐘一班，而今日，則需要12-15分鐘一班！更有地鐵站因人多而採取人流管制措施（封閘），例如葵興、葵芳等。多個地鐵站月台逼滿排隊返工嘅打工仔，出現多條人龍。

Photo from 香港突發事故報料區

Photo from 香港突發事故報料區

有九龍塘站去太子乘客指，計埋等候時間，短短兩個站，需時差唔多45分鐘，比平日多至少30分鐘！上到地鐵嘅市民，都要「面貼面」，車廂非常擠迫侷促。有將軍澳去荔枝角嘅乘客表示，等車時間都用咗1個鐘，最後足足用咗兩個鐘先番到公司。

Photo from 網上圖片

Photo from 網上圖片

而10點25分左右，港鐵宣布將軍澳線都「遭殃」！截至朝早11點，總共有4條線同時出現訊號故障，當中有3個路段牽涉幾個主要轉車站，搞到市民十分狼狽，逼住轉搭其他交通工具。因為事故影響，港鐵唔收該程車資！

Photo from 網上圖片

Photo from 網上圖片

雖然巴士加開班次，但人流未有減退，巴士站、小巴站、的士站相繼出現長長人龍！地面交通漸趨擠塞，全城慢駛，交通幾乎癱瘓。而接近11點，將軍澳隧道出現交通意外，10分鐘後宣布將軍澳隧道全封，住將軍澳嘅市民今朝真係跨過重重難關先番到工！

Photo from HKeRouting

Photo from 網上圖片

有網民改圖：

Photo from 網上圖片

Photo from 網上圖片

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）