《Gone Girl》編劇！《剋．寡婦》4個寡婦被迫喺非常時期組成劫匪團隊 劇情扭轉再扭轉

《Gone Girl》因為劇情不斷扭轉，為觀眾留下深刻嘅印象，而呢個編劇再次為電影編寫劇本，由《被奪走的12年》導演執導。

今次係《剋．寡婦》講一個悍匪逝世，平凡嘅妻子因此被捲入老公生前嘅麻煩，被迫要清還鉅款債務，呢個時候搵到老公生前嘅打劫筆記，因為還債時間短，令佢生起要實行老公生前嘅打劫計劃。

Photo from 20th Century Fox

電影一開始時，結構同鏡頭比較散亂，會唔係咁清楚劇情發展，唔係咁睇得明到底發生咩事，要睇落去慢慢先明白開頭係講緊咩。

任職老師Veronica嘅老公係做開「大茶飯」嘅悍匪，喺一次劫案中死亡，諗唔到佢死前嘅劫案為佢帶嚟極大麻煩，要短時間內還款，如果唔係就會有生命危險。
Photo from 20th Century Fox
明明本來係一個平凡人妻，就係咁就搵埋老公今次喪生伙伴嘅老婆，解開老公嘅筆記之謎，實行搶劫大計，一層一層咁解開留畀觀眾嘅疑團，又不失緊張刺激。

Photo from 20th Century Fox

電影唔單止想帶畀觀眾「螳螂捕蟬」嘅劇情，仲有唔同嘅歧視、貧富懸殊、選舉黑幕，甚至側面講教會就算講到幾有道義，但其實都係唯利是圖等。講寡婦就算成為人妻，就算無咗屋企支柱，佢地一樣可以用自己嘅方式，養活自己。
Photo from 20th Century Fox
每個人都係入面發揮到佢地嘅作用。開頭會想像唔到佢地會成為合作無間嘅「劫匪團隊」，每個人都各自咁成長，而且由互不相干、互不關心，變成互相理解、互相

好似Veronica一開始面對老公生前得罪嘅人，明明係膽小怕事，但當佢決定拆解老公留低嘅線索，執行搶劫大計，搵埋同樣因上次件事無咗老公嘅寡婦，再將佢地分工。

Photo from 20th Century Fox

Linda有兩個小朋友，本來有間服裝店，但畀老公生前賣咗畀人。而佢本來唔信任Veronica，覺得佢好離地，唔明白佢同Alice嘅生活困境，但後來喺Veronica迷茫，就嚟做錯決定，佢就企出嚟拉返正軌。

Photo from 20th Century Fox

而Alice本來好似傻白甜咁，平時由老公保護佢，到佢死咗之後就變到六神無主，但佢都會喺自己身處嘅惡劣環境，慢慢成長到識得點利用自己嘅本錢，再幫助成件事。

Photo from 20th Century Fox

到最後嚟個扭轉，帶出唔好睇小女人，睇小女人嘅話，蝕底嘅只會係自己。

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載