新年限定懷舊打卡！黃大仙復古攝影遊～潮影傳統旗袍全家幅！cosplay《延禧攻略》無難度！

香港好去處時事熱話展覽生活熱話商場美食推介電子科技潮物生活百貨

By 123testing on 11 Jan 2019

又到農曆新年呢個傳統嘅喜慶日子，想應節又想搞搞新意思留念，不如就一家人嚟呢度著下古裝打個卡啦！

呢個新年，情侶想 2個人甜甜蜜蜜影個相，一家人都影個靚靚全家幅？就要嚟黃大仙呢度喇！
本地旗袍體驗店「貳拾年華」同商場合作，推出啱一家大細嘅「全家福」同埋啱情侶嘅「美麗的確幸」攝影體驗，俾大家試下著旗袍同埋古裝！

Photo from PressLogic

祝福閣經過全新裝潢，充滿新春嘅氣氛！加埋齊齊換左古裝嘅大家，喺新一年共享美好嘅時光！
旗袍嘅剪裁舒適，又多花款揀；而古裝好有宮廷feel，想cosplay《延禧攻略》都冇難度～

Photo from PressLogic

如果想參加「全家福」攝影體驗，大家只需要喺商場以電子消費滿500港元或以上，憑最多3張唔同商戶嘅賬單，就可以參加一次！
每次最多4位參加者，仲會附送2張相嫁！

Photo from PressLogic

而情侶就可以以優惠價（1200港元）參加「美麗的確幸」雙人婚嫁輕攝影體驗，當中包埋專業攝影師、化妝及髮型設計；1小時嘅攝影服務、同埋4小時旗袍體驗！
完成左體驗之後，仲會有20張簡易色彩調整嘅相 (JPEG 格式)，性價比都幾高嫁～

Photo from PressLogic

嚟商場消費、玩遊戲仲有獎品送俾大家～
《嘟一嘟．送足金》
大家只要用手機，喺商場掃「祝福你」貼紙嘅QR code，收集呢啲貼紙，就可以換獎品！
4個貼紙（一句祝福），即可換細獎-祝福祈願符袋；8個貼紙（兩句祝福），就可換領中獎-平安吊玉；集齊16個貼紙（16個貼紙），仲可以換到999足金大獎！（禮品數量有限，先到先得，換完即止）