《愛回家之開心速遞》歐陽波比群姐終極重現《色，戒》 三世情緣出浴戲/床上戲有齊

琴晚嗰集《開心速遞》繼續歐陽波比同群姐嘅三世情緣，群姐仲有大膽演出！

第二世歐陽波比同群姐化身梁山伯與祝英台，兩人同住一間房，夜晚祝英台群姐沖涼嘅時候，梁山波比咁啱瞓醒，撞正群姐出浴！

Photo from tvb

發現咗祝英台係女兒身後，梁山伯同佢墮入愛河。可惜好景不常，馬家向祝家提親，祝英台父母已經答應。

Photo from tvb

梁山波比同祝英群姐無奈分開，最後梁山波比含恨吐血而終。

Photo from tvb

Photo from tvb

祝英群姐到梁山波比墓前，見梁山伯從墓中化蝶而出，不過群姐唔知隻蝶係波比，一嘢拍死咗佢。

Photo from tvb

最後群姐都跳埋入墳墓中化蝶。不得不提個化蝶cg勁搞笑，係一大笑點。

Photo from tvb

Photo from tvb

到第三世，歐陽波比同群姐神還原電影《色戒》嘅「易先生」同「湯泥」。「湯泥」群姐係地下組織嘅成員，仲同龔燁有一段情。

Photo from tvb

為咗國家，湯泥刻意接近易先生。而易先生對湯泥一見鍾情，仲話佢係「絕色美人」！

Photo from tvb

Photo from tvb

Photo from tvb

易先生同湯泥發展得好快，當湯泥正要同易先生攤牌，發現易先生都知道咗佢嘅身分。

Photo from tvb

Photo from tvb

易先生不停叫湯泥開槍，終於湯泥開槍擊中易先生，先知原來易先生喺見面第一日已經知道佢嘅身分。臨死前易先生仲向湯泥告白「我愛你」，好淒美啊！

Photo from tvb

Photo from tvb

為咗解救波比，群姐決定要為佢種生基。而大小姐知道後為免群姐被騙，竟然用80萬請「真．歐陽波比」去見群姐！

Photo from tvb

Photo from tvb

真．歐陽波比話佢哋無咩三世姻緣，而群姐難得見到偶像，忍唔住大力攬住佢，點知就唔小心推咗波比落崖。

Photo from tvb

Photo from tvb

Photo from tvb

呢集都好有心思，例如第二世祝家嘅保鏢係威龍保安三人組。

Photo from tvb

劇情又神還原《梁山伯與祝英台》同《色戒》，最後一直出現喺群姐幻想中嘅歐陽波比以「真．歐陽波比」身分出現，兩集幾乎出盡全劇組，完全係愛回家最認真嘅一期！

?《愛回家之開心速遞》歐陽波比與群姐三生情緣 編劇超用心寫劇本！

?【集氣成功】歐陽波比終於客串《愛回家》！以祝枝山造型登場 穿越時空與群姐相見～

?《愛回家之開心速遞》輕鬆減壓劇情！Jenny變King Kong？細龍生變金毛獅王！

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）