出動吧文青們!精選台北三大呃like咖啡店,隨手一拍都超有feel~~
去台灣,夜市固然要去,不過其實都有無數咁多咖啡店岩哂打卡食好東西喎~~行幾步就一間,而且每間都有唔同特色,有工業風、文青風、日系風等等,總有一間岩你!小編就精選咗三間可以呃like嘅咖啡店,店舖設計有品味,吸引咗好多台妹台仔去打卡喔!
1. Swell Co. Cafe
呢個「海浪牆」完全係cafe嘅生招牌,每個客人嚟到都會同佢合照啊!有時仲要排隊,超愛歡迎的~~係IG搵呢間店,滿滿都係「海浪牆」嘅相啊!
咖啡店以夏日衝浪為主題,可以見到玻璃窗有衝浪板圖案啊~~舖內用咗白色石牆,搭配各種仙人掌擺設,好有夏威夷嘅感覺耶!唔講以為自己去咗外國度假添~~
地址:台北大安區四維路23號
2. The Antipodean
以澳洲、紐西蘭風格為主,連logo都係袋鼠圖案喔!門口擺放咗繽紛嘅藍色餐桌,尤其吸睛,俾人歡樂嘅感覺!而打卡位係咖啡店外牆,油上彩色嘅幾何圖案,超美的~~
設計花盡心思,小編喜歡呢幅pastel colour嘅搭配,令我諗起澳洲七彩嘅彩虹小屋~~
入面仲有個「花雨」嘅裝置藝術,有品味得嚟又可以呃like,camera ready!
地址:台北內湖區港墘路26巷4號
3. Untitled Workshop
Untitled,有名俾你叫,即係無招牌!其實意思係唔想俾招牌所拘束,咁神秘嘅咖啡店,反而有種莫名嘅吸引力~~
埋嚟埋嚟!店主設計咗呢個打卡位,菠蘿牆得意之餘,又有幾分復古味,坐係度一定影到氣質呃like相!
就連地板都精心鋪上幾何瓷磚,好有味道啊!!
地址:台北八德路三段12巷52弄1號
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
*本文章的圖片均經其本人或其公司授權,其他媒體不得轉載