8款月餅卡路里大比拼！原來榴槤冰皮月餅唔算肥 最肥嘅月餅食100g要踩72分鐘單車先減得走

就嚟到中秋節，唔少人都會買月餅嚟食，不過有啲月餅原來真係幾肥，食100g就要做返70幾分鐘運動先減得走！

今次搵咗「家營營養中心」創辦人、營養師吳耀芬 (Kathy) 就港人鍾意嘅9款月餅睇下邊款月餅最肥，同埋要做幾多運動先減得走，呢8款月餅布金腿五仁月餅、雙黃白蓮蓉、芒果味冰皮月餅、貓山王榴槤冰皮月餅、流心奶黃月餅、奶黃月餅、朱古力雪糕月餅、抹茶流心月餅。

好多人以為冰皮月餅會好肥，但原來相比傳統月餅同雪糕月餅，冰皮月餅係無咁肥，好似榴槤冰皮月餅咁，每100g就有260卡路里，要慢跑32分鐘減走；而最高熱量嘅雙黃白蓮蓉每100g就有成410卡路里！要慢跑51分鐘先減到。

*唔同品牌種類月餅卡路里、所需運動量都可能會有出入

Photo from PRESSLOGIC

傳統月餅嘅雙黃白蓮蓉、金腿五仁月餅熱量相對比較高，如果家有老人家好鍾意食，就記得留意下，唔好畀佢地食太多啊～

Photo from PRESSLOGIC

而第3高熱量嘅係朱古力雪糕月餅，其次就係流心奶黃月餅、奶黃月餅、抹茶流心月餅、芒果味冰皮月餅同貓山王榴槤冰皮月餅。

Photo from PRESSLOGIC

雖然月餅愈出愈多唔同口味，而且仲好好味，不過記得食咩都要適可而止～

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）