民居放催淚彈 影響警犬及寵物 香港獸醫協會對事件表示極關注

6月至今警方不斷施放催淚彈，請示威者食「催淚彈放題」。催淚彈對人體影響嚴重，甚至可能有後遺症，而且對動物嘅影響亦不容忽視，深水埗更有獸醫診所嘅留醫寵物需急速撤離。

Photo from Shutterstock

香港獸醫協會就呢件事發聲明，表示對事件極關注，因為動物吸入催淚煙後會流眼水、口水、嘔吐及咳嗽等。

協會對前線工作嘅警犬非常關注，因為最近有警犬冇配備任何防護裝備就被帶到充滿催淚煙嘅前線工作，所以協會建議警方避免帶警犬去有催淚煙嘅地方，或者出勤時幫警犬戴上保護眼鏡同防毒面具等等防護裝備。

Photo from Shutterstock

獸醫協會亦提醒主人應即刻閂窗同風扇，再開抽氣扇，接觸寵物時仲要戴手套。

Photo from Shutterstock

如果寵物接觸到催淚煙，主人可以用0.9%鹽水或清水幫寵物徹底沖洗身體，抹乾淨手同腳，再清潔埋地下，避免將催淚粒子帶入屋。

Photo from Shutterstock

如果寵物有嚴重不良反應，對於用口呼吸嘅動物，主人必須用清水徹底沖洗其身體同埋用清水幫寵物減低體溫。主人必須保持冷靜，並盡快帶寵物去附近獸醫診所睇獸醫。

警犬都是生命，好好保護佢地好嗎？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）