金義聖來港實地採訪示威 今早現身地區人鏈活動 記錄香港社會運動

喺《屍殺列車》中飾演自私大叔嘅金義聖，向來非常關心近日香港發生嘅事。

更喺IG發起「#eye4hk」，聲援爆眼少女。琴日更親身來港採訪，今日又去了解人鏈活動。

韓國演員金義聖，喺電影《屍殺列車》中飾演自私大叔，佢非常關心香港，喺IG不時出post。

Photo from 《屍殺列車》

佢得知爆眼少女受傷後，更喺IG upload一張以右手遮眼嘅相，甚至仲發起「#eye4hk」，為爆眼少女打氣。

金義聖仲不時喺IG share文宣，等更多韓國人了解香港發生咩事。

琴日佢親身來港，為佢做主持嘅節目《探索企劃Straight》做實地採訪。

Photo from 金義聖IG

佢去到灣仔、金鐘，甚至政府總部附近訪問示威者，進行報導，沿途有唔少市民認出佢，仲同佢合照。

佢喺IG亦post出寫有「Five Demands Not one less!」嘅相，留言：「I was there.」

Photo from 金義聖IG

佢今朝仲喺IG開live，去琴調景嶺親身了解地區人鏈嘅情況。

Photo from 金義聖IG

佢由鏈頭行到鏈尾，參與人鏈活動嘅人士一直高叫口號「五大訴求 缺一不可」，金義聖雖然無出聲，仲就以手機影底人鏈嘅參與者，記錄香港社會運動。

Photo from 金義聖IG

Photo from 金義聖IG

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）