【武漢肺炎】醫管局承認醫院口罩量不足 現存貨量不夠供應3個月

武漢肺炎疫情持續，過去一個星期大批市民紛紛搶購糧食、口罩同消毒用品，有N95口罩價格由約$6.5一個上調到$50，口罩供不應求，而醫管局亦承認口罩存貨不足。

最近口罩供應量完全唔夠市民需求，繼噚日(29日)大批市民去泰國雜貨店買口罩外，今日凌晨又有市民喺屈臣氏排隊等開門買口罩，惟每間分店只有20盒可以售賣。

今日(30日)醫管局聯網服務總監楊諦岡接受電台訪問，指由於醫院應變級別提升至緊急，口罩使用量明顯上升。

Photo from 醫院管理局

楊諦岡承認而家口罩存貨並唔足以使用3個月，現正等緊補貨，已訂嘅口罩可以足夠用到今年6月。

Photo from shutterstock

楊諦岡表示明白口罩供應緊張，但強調內部有足夠存貨，希望同事可以安心，同時呼籲前線同事應保護自己。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）