解決木製棺材供不應求問題！外國廣告公司研發二合一棺材病床　可承受150公斤！

新冠肺炎全球疫情持續，部份國家更出現棺材短缺嘅問題。

據美聯社報導，部份國家嘅人因為搵唔到或買唔起木製棺材，只能以紙板製作代替。

Photo from 網上圖片

而位於哥倫比亞嘅一間廣告公司ABC Display就有見及此研製出一款有助解決依個問題嘅產品。

佢哋利用紙皮設計咗一款將病床同棺材合二為一嘅紙皮床。

Photo from AP

而依張紙皮床仲附有金屬欄杆添！

患者喺病逝後，紙皮床就可以「變成」棺材，從而解決搵唔到或買唔起木製棺材嘅問題。

Photo from AP

目前依張床仲未正式推出，但其公司經理Rodolfo Gómez指此床價格約85美元，並可承受150公斤嘅重量。

Photo from AP

不過有醫生就質疑紙板床嘅穩固程度。同時醫生亦警告，遺體放入紙皮棺材前，必須先密封處理，以免病毒傳播。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）