下月起恢復國際航線！希臘總理計劃推減稅優惠幫重振旅遊業

旅遊業係唔少國家嘅重要產業，而每年嘅6月起更係唔少地方嘅旅遊旺季。位於歐洲嘅希臘就一直以嚟都視旅遊業為國家支柱產業，可惜最近因新冠肺炎疫情影響下，旅遊業大受影響。雖然佢哋就喺上月宣布將推出相關措施，準備重整旅遊業。而最先受到優惠嘅就會喺當地嘅交通業。

Photo from Pinterest

希臘為咗今次旅遊季，除咗持續興歐洲嘅多個國家展開磋商，仲將會推出一系列優惠措施希望能吸引遊客。

視旅遊季為重要支柱產業嘅希臘，其總理Kyriakos Mitsotakis早前就宣布正式重啟當地旅遊季，酒店會重新營業，目前佢哋會率先開放畀申根地區及非歐盟成員國如澳洲、中國與南韓嘅相關遊客入境，但要注意一點當地嘅國際航班係從7月1日起逐漸恢復。

此外，當地亦為咗吸引更多嘅遊客，準備將所有交通行業嘅增值稅從24%暫時調降為13%，同時亦會為遊客提供新冠檢測，令遊客喺出遊時玩得更安心。

另外，希臘議會議員Harry Theocharis亦表示：「我哋嘅目標係歡迎每一位克服懼怕、有能力嚟希臘旅遊嘅遊客。我哋對外開放嘅同時亦是密切關注疫情。為保障本地人及外國遊客嘅安全，我哋會製定嚴格嘅規章制度。」

不過小編都提提大家，雖然希臘下月會逐漸恢復國際航班，但回港後依然需要接受強制檢疫14天㗎！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）