馮盈盈豪送FENDI畀助手！出手闊綽提早買聖誕禮物 價值4位數！

馮盈盈入行一路以嚟都非常出位，之前又狂晒名牌袋。佢早前開live提到請助手有超多要求，而新請返嚟嘅助手返工無幾耐，但馮盈盈都豪送名牌聖誕禮物畀佢！

港姐冠軍馮盈盈入行以嚟言行一直出位，又不時喺網上大晒各種Hermès名牌手袋，佢甚至更因為展示富貴生活被傳成前老闆陳國強「新寵」。

Photo from 馮盈盈IG

馮盈盈否認同「殼王」陳國強有私下聯絡，指自己所有名牌都係靠自己努力工作賺錢買。

Photo from 馮盈盈IG

近日馮盈盈經常開live，有一次佢邊揸車邊同網友交流，更提到自己嘅助手。有網民對助手工作相當好奇，而馮盈盈亦一一解答。

Photo from 馮盈盈IG

馮盈盈表示請助手要求唔少，直言「我助手好多嘢做㗎」，提到要幫手開live：「開工助手照顧我，例如補妝，化咗妝飲嘢要用飲管，隨身要帶粉餅、唇膏、鏡、牙簽、紙巾呀！平時尿袋要叉足電，我啲隨身物都畀晒佢睇住，好似車匙、劇本、電話、銀包咁。」又提到平時佢IG Story、相都要助手幫手影，去公廁時仲要助手幫忙拎香薰，等佢如廁嗰陣感覺良好啲。

Photo from 馮盈盈IG

做馮盈盈助手工作都唔少，所以佢依家新請嘅助手返咗工唔太耐，仲係朋友介紹先請到。

雖然做嘅嘢多，但福利都幾好！從馮盈盈IG Story睇，佢同助手一齊去咗名店Fendi，馮盈盈睇中一款手袋，更即席畀錢買埋返屋企。

Photo from 馮盈盈IG

Photo from 馮盈盈IG

馮盈盈仲提早買埋聖誕禮物畀助手：「She bought me a Xmas present」原來馮盈盈豪爽送出Fendi「小型BAGUETTE戒指」，價值HK$1,650～

Photo from 馮盈盈IG

Photo from 馮盈盈助手IG

Photo from Fendi

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）