全城熱捧《全民造星3》！何雁詩/王君馨倒戈睇ViuTV！王君馨自爆係卡文fans

ViuTV《全民造星3》hit爆！現正播放1對1淘汰賽，《全民造星3》獲全城熱捧，仲有好多「星級觀眾」添！TVB旗下藝人何雁詩、王君馨都有追睇，王君馨更開聲力撐關嘉敏（卡文）。

ViuTV《全民造星3》超強人氣引嚟全城追睇，來勢洶洶，連大台都要推出四線劇集應對。《全民造星3》更收穫唔少「星級觀眾」，欣宜就係其中一個。

連大台旗下藝人何雁詩、王君馨都倒戈追睇！何雁詩本身參加《超級巨聲》入行，加入TVB超過10年，不過佢有喺IG Story出post力讚《全民造星3》參賽者。

佢有睇A組嘅《黑魔法愛情研究所》，仲tag埋Judas（羅凱鈴）、Mischa（葉巧琳），留言指：「正少陣ok？」更表示：「我係想要睇呀」

何雁詩力撐A組，而王君馨則係B組fans，佢2007年參加香港小姐奪得亞軍後入行，至今為TVB工作13年。

當B組一班參賽者開live期間，王君馨有收睇，更留言透露自己係關嘉敏（卡文）嘅big fan，佢大讚卡文「好性感、有魅力」

嚟緊《全民造星3》即將誕生10強！唔知邊個可以入到呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）