吳若希Staycation影打卡相嫌老公影得自己醜 發火大鬧:「你成個人都冇用!」
早前,吳若希同老公去staycation仲係YouTube度post咗條片,而佢老公就化身為攝影師幫佢影港女打卡相,十分甜蜜。但係當吳若希喺度睇返啲相嘅時候,佢就忍唔住嫌棄老公嘅作品,仲嬲到大鬧「你成個人都冇用!」
Photo from 吳若希IG
近排,吳若希就開咗個YouTube channel去同大家分享佢嘅日常生活,而最新嘅影片就拍低咗佢同老公去Staycation。片段中,吳若希好興奮咁參觀酒店房間,而佢老公亦時不時做出甜蜜嘅舉動。當佢老公見到床上有一扎花嘅時候,佢就即刻跪地向佢獻花。但當吳若希問係咪酒店因為情人節而送嘅時候,佢老公亦非常誠實咁話應該係,令吳若希忍唔住話佢「講大話都唔識」。
Photo from 吳若希YouTube
Photo from 吳若希YouTube
之後,吳若希就利用酒店房嘅無敵大海景做背景不停影打卡照,而廿四孝老公就充當攝影師。睇得出佢對影打卡照非常有熱誠,換好咗浴袍,攞曬道具同擺好曬pose。但每次當佢睇返老公親自操刀嘅照片,佢都忍唔住翻曬白眼話「影得好肥啊」!
Photo from 吳若希IG
Photo from 吳若希YouTube
佢哋亦去咗酒店游泳池旁食下午茶,期間吳若希再次叫老公幫佢影靚相。但係當佢睇返啲相嘅時候,佢就忍唔住嫌棄仲話「如果依家有把刀,我想即刻將你個頭劈開一半,因為你對眼冇用,你成個人都冇用!」
Photo from 吳若希YouTube
Photo from 吳若希YouTube
雖然佢哋係片段中不停咁打打鬧鬧,但係都有唔少佢哋兩夫妻嘅甜蜜片畫面,包括有燭光晚餐同老公為佢用花瓣裝飾浴缸,令不少網民都係留言度話好閃啊~
Photo from 吳若希YouTube
Photo from 吳若希YouTube
其實自從吳若希結左婚之後,佢都時不時會高調咁曬同老公相處嘅片段,亦不畏言咁批評佢老公,令網民都因此而有兩極嘅反應。有啲網民就認為佢唔應該公開批評佢老公,但亦有網民表示好羨慕佢哋嘅相處模式。不過由staycation條影片下面嘅留言可以睇得出,越來越多嘅網民都視睇佢哋兩夫婦打鬧嘅畫面為樂。
Photo from 吳若希YouTube
再加上,吳若希老公似乎非常享受可以比網民大肆討論,睇黎吳若希可以開一個新系列去「折磨」佢老公喇!
Photo from 吳若希IG
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
吳若希算運程瘋狂追問有無得做一姐!想叫老公做結紮手術:生到驚
19 Feb 2021
吳若希喺Youtube搵咗陳定幫師傅算運程,期間多次追問師傅佢有有無得做一姐,問琴師傅口啞啞,師傅話佢可以生三胎,吳若希竟表示希望老公結紮,師傅指吳若希好睇佢老公唔順眼。
Photo from 吳若希Youtube
吳若希生仔之後專注家庭,近嚟主要係Youtube拍片多,甚少上節目或唱歌。繼剪老公鼻毛次後,佢Youtube又有新片!
Photo from 吳若希IG
佢新年請咗陳定幫師傅為佢預測運程,師傅提及佢子女宮都旺,仲話吳若希生三個都應該ok,吳若希一聽即表現驚訝:「其實我係豬乸命。」
Photo from 吳若希Youtube
吳若希又問師傅佢老公有無需要做結紮手術:「你明唔明,咩叫生到驚呀!」表示生兩個小朋友都已經好驚。吳若希更話一陣塞少少錢畀師傅:「你同佢(老公)講佢今年適宜做啲手術。」
Photo from 吳若希Youtube
Photo from 吳若希Youtube
Photo from 吳若希IG
佢又問佢同老公之間嘅愛情運如何,師傅第一句就話:「你會好睇佢唔順眼囉」指吳若希今年會有啲嘢好火,甚至會指住老公嚟鬧,但師傅表示吳若希老公會好就佢。
Photo from 吳若希Youtube
連吳若希都話好準!睇嚟呢個係佢哋兩夫妻嘅相處方式,越鬧越Sweet~
Photo from 吳若希IG
之後談及事業運,陳定幫師傅指吳若希今年工作或有轉變,可能會轉工或者轉公司。然後吳若希即多次追問師傅希無機會做到一姐,師傅面有難色未有正面回應,指佢喺屋企都係一姐,吳若希即大叫:「即係我做唔到一姐啦,係唔係做唔到一姐呀我?」
Photo from 吳若希Youtube
Photo from 吳若希Youtube
面對吳若希連番追問下,師傅表示:「應該話你可以做一姐,但唔特別去爭會舒服好多。」吳若希即表示佢無心爭做一姐。
Photo from 吳若希IG
Photo from 吳若希IG
雖然吳若希係咁講,但之前菊梓喬攞獎,吳若希竟話:「就算做畀佢都應該!」火藥味甚濃!有無心做一姐可能得佢先知!
即睇全片:
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
吳若希誕第二胎宣布封肚!IG喊話:「仲想要就搵個二奶幫你生」
4 Nov 2020
吳若希今年懷上第二胎,琴日透過經理人表示已經順利誕下仔仔,佢指今胎佗得辛苦,公開表示封肚唔會再生,更喊話:「仲想要就搵個二奶幫你生」
吳若希(Jinny)2017年結婚,同年4月生下女兒,今年6月宣佈懷上二胎,成功佗仔,湊成一個「好」字。
Photo from 吳若希IG
婚後不時喺IG公開老公秘密同講老公「壞話」嘅吳若希,經常語出驚人。之前曾因為老公掛住玩手機而search「離婚方法」,又話:「叫你手機幫你生兒子」
Photo from 吳若希IG
Photo from 吳若希IG
今次佗仔並唔輕鬆,佢喺IG指:「現在拍照要用力把變大的鼻子吸小?到了最後階段,這一胎的寶寶估計已經過了8lbs?這樣下去,到出生那天應該是可以走到9lbs~對於想順產的媽媽來說~好像有點壓力每天睡了好像沒睡過???在灰到一個頂點之際,喝了一服中藥,本來沒有抱太大期望,誰知道昨晚老娘真的可以一覺睡天亮???」
Photo from 吳若希IG
佢更宣佈「封肚」唔會再生:「#真係驚左 #唔使再問我會唔再生 #唔會呀 #打死都唔會呀 #仲想要就搵個二奶幫你生」
Photo from 吳若希IG
琴晚吳若希嘅經理人向傳媒公佈Jinny已生產嘅消息,現時正在休息。
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
佗7個月巨肚照搬屋?吳若希自爆被細何生逼遷 住2000呎豪宅都嫌逼
31 Aug 2020
原本一家三口住喺元朗錦田爾巒 2000 呎豪宅嘅藝人吳若希,周不時都會喺 ig 見到佢個巨型廳同大露台,當然仲有屋內嘅落地大玻璃、樓梯以及私家泳池喇~但據地產市場消息指,原來佢地一家早前已經搬出其爾巒單位。
Photo from instagram@jinnyng
Photo from instagram@jinnyng
Photo from instagram@jinnyng
Photo from instagram@jinnyng
其實爾巒真係好靚,但吳若希今次決定搬出間屋,而且單位仲已經交吉,聽聞依家仲以 2,090 萬元放售緊添!
而吳若希被問到搬屋原因時,吳若希笑住話業主好好人,其實都好唔捨得間屋,但因為「何生」(囝囝)就嚟出世,屋企變到好逼,加上「何小姐」(囡囡)要喺市區返學,所以就要搬返出市區。
Photo from instagram@jinnyng
其實 28 歲公屋出身嘅吳若希,成長期間曾經試過一家五口逼間 400 呎公屋入面。但自從佢嫁咗畀有錢老公何兆鴻(Alex)之後就變身做闊太,仲母憑子貴,不時喺社交媒體公審老公。依家懷孕 7 個月嘅佢呢排除咗不斷 post 之前影落嘅孕照之外,更加直言老公「無感情」、似道具。
Photo from instagram@jinnyng
Photo from instagram@jinnyng
七夕嗰日,吳若希更喺 ig 話老公掛住玩電話唔理佢,所以就 search「離婚」,仲叫老公搵電話幫佢生仔,即刻畀網民話佢無腦,叫佢檢討吓自己。
Photo from instagram@jinnyng
Photo from instagram@jinnyng
其實 2000 呎豪宅都嫌逼,咁應該要幾大先夠住呢
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)