39歲唐詩詠零濾鏡近照被指眼角有細紋！愛晒素顏皮膚白滑少女肌比妝後更年輕

娛樂新聞

By Jennifer on 02 Mar 2021

Digital Editor

今晚食乜餸：小二，嚟一碟花生！

視后唐詩詠早前同陳山聰仔仔Jaco合照，玩到開懷大笑。佢更將無filter相片post上IG，點知遭到一啲網民指佢現老態，其實唐詩詠有時都會喺IG大晒素顏照，網民力撐佢無懼歲月痕跡堅持唔用濾鏡！

Photo from 唐詩詠IG

39歲嘅唐詩詠人緣好好，喺圈中有唔少朋友，佢早前去陳山聰屋企與佢仔仔Jaco打成一片：「一直都不是BB喜歡的類型，不知為何這個B那麼喜歡我。好啦，我們相愛了。」

Photo from 唐詩詠IG

唐詩詠同山聰仔仔Jaco玩得勁興奮，更露出開心笑容，有毒舌網民見到唐詩詠眼尾笑紋即留言：「皺紋都出来了」、「魚尾紋，做佢阿婆差唔多。」有網友反擊指係人都會老，直斥對方唔識尊重人。

Photo from 唐詩詠IG

其實唐詩詠呢張相無用到filter，非常真實，佢以往亦曾多次喺IG公開素顏相。

Photo from 唐詩詠IG

佢同朋友私下見面、聚會時多數都唔會化妝。同Ali李佳芯行山打卡都唔介意超近鏡自拍，兩位視后素顏皮膚都好好！

Photo from 唐詩詠IG

與好友黃翠如煮飯仔都係素顏，好隨意咁紮起頭髮，成個look好居家feel～

Photo from 唐詩詠IG

唐詩詠唔化妝有時會戴上黑框眼鏡，雖未施脂粉，但眼鏡造型非常減齡。

Photo from 陳敏之IG

Photo from 唐詩詠IG

佢又唔介意晒睡前、醒後自拍，呈現自己真實一面！素顏嘅唐詩詠其實皮膚白裡透紅，狀態極佳，完全係少女肌。有網友大讚唐詩詠堅持唔用濾鏡，唔化妝感覺比妝後更加年輕！

Photo from 唐詩詠IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳法拉生日晒素顏泳衣照！網民直稱凍齡美女好pure好true!

26 Feb 2021

早前剛剛度過39歲生日嘅陳法拉，就喺IG Story轉發咗一張同朋友一齊穿著泳衣嘅合照，素顏嘅法拉皮膚依然好好，難怪網民大讚凍齡有術。無論係佢嘅身材，樣貌，事業定學歷，樣樣都好完美，絕對可以稱得上係人生勝利組！

Photo from 陳法拉IG

今年係法拉榮升做媽咪之後嘅第一個生日，相信一定令佢好難忘，佢亦係IG上載咗老公為佢準備嘅生日蛋糕，話「好感恩今年嘅生日可以同父母，老公，囡囡一齊過」。另外，陳法拉仲轉發咗朋友比佢嘅祝福。近期少見法拉po自己嘅素顏相，不過佢皮膚依然好好，令網民不禁驚嘆佢好似唔識變老咁。法拉有透露囡囡同佢一樣有個小酒窩，相信小米妮大個後都一定係個美人喇。