男生不能理解女生的12個NG穿搭！碎花裙似大媽/魚網襪似燒烤網？

俗語有話「人靠衣裝」，所以好多女仔都會喺約會嘅時候悉心打扮，務求令心儀嘅男仔可以留下深刻印象！但原來喺男仔眼中部分嘅穿搭係佢哋不能理解㗎，而家就一齊睇下有邊啲穿搭喺男仔心目中嘅NG穿搭啦！

Photo from 微博

1.蕾絲裙

相信有唔少女仔都會覺得蕾絲裙可以睇落girly啲，亦可以變得更有氣質同甜美啲！

Photo from 何超蓮IG

Photo from Pinterest

但原來喺男仔眼中佢哋認為純白色嘅蕾絲裙好似窗簾布，一啲都唔靚。同時對於比較保守嘅男仔，佢哋會覺得若隱若現嘅蕾絲比較性感，所以唔太適合第一次約會穿！

Photo from Pinterest

2.工人褲/吊帶褲

而家好多女仔都鍾意穿工人褲，一嚟可以走「小男孩」嘅中性打扮風格，而且工人褲比較寬鬆，穿上之後比較舒服！

Photo from 微博

Photo from Pinterest

但喺男仔嘅眼中，佢哋就認為工人褲太男仔，凸顯唔到女性魅力，所以都唔鍾意呢種穿搭！

Photo from Pinterest

3.碎花裙

碎花裙嘅款式有好多，如果揀嘅花款或者顏色唔夾，就好容易出事，穿完真係會好似大嬸！又難怪男仔會睇唔明花花裙嘅魅力嘅～

Photo from 馮盈盈IG

當然如果你美若天仙好似港姐或者華姐冠軍咁，就當然著咩都冇問題啦！

4.球鞋配絲襪/高跟鞋配襪

而家比較少見，但以前曾經掀起過一輪球鞋配絲襪嘅熱潮！當女仔唔想穿長褲，但天氣又比較凍嘅時候就會咁配搭。但係男仔眼中，呢類型嘅穿搭係格格不入！

Photo from Pinterest

Photo from Pinterest

部份女仔可能會跟隨日本風，喺穿高跟鞋嘅時候搭配襪。但喺係直男嘅心目中呢兩樣嘢係完全唔夾，所以係唔應該擺埋一齊穿！

Photo from Yoona IG

Photo from Pinterest

5.豹紋

有啲女仔會比較偏愛豹紋穿搭，認為可以突顯個性，睇落又比較性感～但喺男仔眼中並不太受歡迎，佢哋會覺得穿豹紋嘅女仔令佢哋有距離感。而且當豹紋穿搭搭配得唔好嘅時候，好容易變得老土，反而會嚇跑男仔！

Photo from 胡蓓蔚IG

Photo from Pinterest

6.皮褲

好多比較cool嘅女仔都會選擇喺冬天嘅時候穿著皮褲/皮裙，帶俾人一種冷酷龐克嘅感覺～由於皮褲通常都比較緊繃，所以喺男仔眼中佢哋會認為太顯線條，前衛嘅風格令佢哋未能夠接受！而且皮褲亦好容易暴露女生身材嘅缺點，如果係下盤比較寬嘅女仔，就建議初次約會時盡量都唔好穿皮褲！

Photo from 微博

Photo from Pinterest

7.頭箍

相信而家有唔少嘅女仔都鍾意用頭箍作為飾物咁搭配自己嘅穿搭！但原來喺直男嘅心目中，佢哋認為頭箍睇落係幼稚嘅配搭。如果款式揀得唔好，可能會俾男仔以為係扮可愛！

Photo from 馮盈盈IG

8.透紗嘅單品

透紗呢類型嘅穿搭係緊呢今年先開始比較多人穿，而透紗其實只能夠作為裝飾咁搭配。對男仔嚟講，呢類型嘅單品既冇作用又唔靚，佢哋好多時都唔能夠理解點解要咁穿！

Photo from 何超蓮IG

Photo from Pinterest

9.羅馬涼鞋

喺夏天嘅時候，好多女仔都會買唔同款式嘅涼鞋去襯衫，而呢幾年就非常流行羅馬綁帶涼鞋！但男仔就唔係好明白將涼鞋綁到腳踭或者小腿嘅美感，而且有啲男仔會覺得穿涼鞋露曬成個腳面比較隨性，會比較扣分，初次約會嘅女仔就盡量唔好穿羅馬涼鞋喇～

Photo from 微博

Photo from Pinterest

10.魚網襪

相信呢個係女仔同男仔都唔太能夠理解嘅單品！喺男仔嘅眼中，佢哋會覺得魚網襪似燒烤用嘅網，穿上之後非常奇怪，而且有時候搭配得唔好嘅時候仲會有啲低俗！

Photo from Pinterest

11.過份可愛嘅穿搭

女仔有時候可能會選擇一啲比較可愛嘅衣服款式，希望可以令自己睇落比較年輕。但喺男仔嘅眼中，佢哋係唔太接受到女仔穿太過可愛嘅衣服！女仔們，最好都係選擇比較適合自己年齡嘅穿搭，先能夠容易令人有好印象，無論係太可愛或者太成熟嘅都穿搭好容易NG！

Photo from 黃夏蕙FB

Photo from Pinterest

12.民族風圖騰嘅衣服

好多女仔都鍾意喺夏天嘅時候買民族風嘅衣服，等自己可以有多啲唔同類型嘅穿搭～但同碎花圖案一樣，好多男仔都認為民族風更加似枱布同窗簾！而且大多數嘅民族風衣服都較為寬鬆，令好多男仔都認為似穿睡衣！

Photo from 張曦雯IG

Photo from Pinterest

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

郭富城、梁朝偉身高報大數？型男唔一定生得高？！ 12男星真實身高曝光

31 Mar , 2021

正所謂一個人嘅高矮可以影響一生，而身高對男生嚟講更係一樣武器嚟，事關如果你嘅身高愈高對女性嘅吸引力就愈大，有埋最萌身高差就更完美添！但偏偏喺圈中就有唔少唔算高嘅男星，成功奪得唔少女生對歡心。

郭富城 官方身高：172cm/估計真實身高：165cm（落差約：7cm）

被稱為「亞洲舞王」嘅郭富城靠住佢舞台之上俐落迷人嘅舞姿而成功吸引大家注意，其官方身高就指有 172 cm，但曾經人爆料指城城嘅真實身高只有 165cm，不過就咁睇都足以壓服全場。

曾志偉 官方身高：160 cm/真實身高：落差：159cm（落差約：1cm）

曾志偉一直以嚟都唔會介意以矮小身型為賣點，佢更喺綜藝節目直接企喺測量板前度身高公開自己嘅真實身高，當時測出嘅結果係 159cm。

王祖藍 官方身高：160cm/估計真實身高：158cm（落差約：2cm）

於 1998 年出道嘅王祖藍，係圈中亦係出了名嘅矮仔嚟，而其官方身高為 160cm，但據知其實際只有 158cm！？

林盛斌 官方身高：175cm

阿 Bob 林盛斌喺圈中可以話係吸金王吸，不過唔好睇佢好似圓碌碌，但其實一啲都唔矮，有 175cm 㗎！

C君 官方身高：165cm

農夫嘅C君官方公佈就係 165cm，但如果佢同陸永同時企埋一齊差距就有少少明顯。

梁朝偉 官方身高：174cm/估計真實身高：169cm（落差約：5cm）

梁朝偉嘅身高官方就宣稱有 174cm，但是其憂鬱沉穩嘅眼神，加上一種滄桑嘅成熟感先係迷到一眾粉絲嘅特點，所以就算冇 180cm，都成功稱霸影壇！

謝霆鋒 官方身高：175cm/估計真實身高：169cm（落差約：6cm）

有 Chef Lemono之稱嘅謝霆鋒雖然冇 180cm 嘅身高，但其俊俏嘅外表加上隨住年歲增長所帶嚟嘅「佬味」，稱為型男絕對不為過。

周星馳 官方身高：174cm/估計真實身高：169cm（落差約：5cm）

一提起星爺，就一定會諗到喜劇，佢嘅電影金句至今仲有唔少人認識。但唔個大家又知唔知原來星爺只有 174cm 高，但當年一張佢同劉德華嘅合照，被指出只有 171cm 嘅劉德華好似都比星爺高時，令唔少有都懷疑佢到底有冇 174cm。

張國榮 官方身高：175cm/估計真實身高：169cm（落差約：6cm）

哥哥張國榮雖然已經離開咗大家，但佢喺舞台、大熒幕上嘅風采令唔少粉絲懷念。

劉德華 官方身高：174cm/估計真實身高：171cm（落差約：3cm）

雖然劉德華嘅身高冇指並唔超過 175cm，但都完全阻擋唔到佢嘅魅力，不論男女老幼都成功被佢吸引，而且仲愈吸愈有男人味添！

馮德倫 官方身高：175cm/估計真實身高：172cm（落差約：3cm）

才華多多嘅馮德倫又係演員又係導演，曾經仲係歌手嚟！雖然佢並唔算好高，不過佢帶點混血嘅五官，加上兩個小酒窩，就已經足夠迷死人喇！

李治廷 官方身高：175cm

唔少人都話年輕一代營養豐富，大多數嘅身高都超過 175cm，但李治廷就係當中嘅異數。但因為佢會喺穿搭上加心思，而且身材整體比例平均，所以即使喺燈下都唔會覺得佢矮。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

楊丞琳身高同張柏芝差好遠？網民列幾大證據質疑楊丞琳報大身高

17 Mar 2021

早前，楊丞琳宣布加入《乘風破浪的姐姐2》並且踢館成功，可以繼續留喺節目裡面比賽。本身就實力超凡嘅佢，表演亦受到大批網民嘅稱讚。但另一方面，網民就將焦點放咗喺佢嘅身高上，質疑佢有將身高報大嘅嫌疑！

Photo from 楊丞琳FB

《乘風破浪的姐姐2》最近就播緊參賽者們為第四次公演努力排練嘅片段，然而唔少嘅網民就將焦點放咗落楊丞琳嘅身上。因為喺佢同張柏芝企埋一齊排舞嘅時候，網民發現佢哋嘅身高相差有啲大而開始引起熱烈討論。

Photo from 湖南衛視Youtube

網民都各自搜尋咗佢哋兩個嘅官方身高，張柏芝係165cm，而楊丞琳就係161cm。但係網民就覺得單憑就咁睇兩人企埋一齊嘅片段，就覺得絕對無可能淨係得4cm嘅差距，因此大家都開始認為楊丞琳有報大自己嘅身高。

Photo from Google

Photo from 微博

有排舞嘅片段所見，兩人都係著平底鞋，所以理應視覺上睇身高並唔會差好遠。

Photo from 湖南衛視Youtube

不過亦有網民認為可能係排舞嘅時候，唔同嘅舞姿同站姿影響到視覺上睇嘅效果。但就發現即使兩人只係企喺度傾計，身高差依然非常明顯！

Photo from 湖南衛視Youtube

唔單止係咁，楊丞琳喺踢館舞台上同蘇運瑩企埋一齊嘅時候，兩人穿著差唔多高嘅高跟鞋，身高睇落差唔多。然而根據官方資料所顯示，蘇運瑩嘅身高只係得153cm，足足同楊丞琳有8cm嘅差別。

Photo from Google

Photo from 湖南衛視Youtube

有網民就認為楊丞琳一定係報大身高，但亦有網民覺得唔需要太介意身高，畢竟好多藝人都會報大身高，喺娛樂圈係好平常嘅事～

Photo from 楊丞琳FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）