39歲日男同時與35個女友交往！將約會當生意狂作生日日期騙取價值10萬禮物

Digital Editor

今晚食乜餸：小二，嚟一碟花生！

日本一名39歲男子宮川隆史被揭同時交往35個女友！佢更以假嘅生日日期呃女友們送生日禮物畀佢，總騙取價值約10萬円嘅禮物！

Photo from MBS

平時做開兼職嘅宮川隆史今年39歲，佢竟然同時與35位女性拍拖！其中一位係47歲以結婚為前提交往嘅女性。

據報宮川嘅生日係11月13日，但佢向女友們報上虛假嘅生日日期，以獲取價值不菲嘅生日禮物。

Photo from MBS

宮川對47歲以結婚為前提嘅約會對象稱自己嘅生日係2月22日；又向另一位40歲女性指生日喺7月；再同一名35歲女性講佢係4月出世。

Photo from MBS

宮川隆史從呢3位女士手上一共騙取咗價值三萬円嘅西裝、2萬円電子款項等，合計至少達10萬円（約港幣$7,200）。

Photo from MBS

其中一位同佢約會嘅女性表示淨係同宮川見過面兩次就接吻，有其他女士指宮川喺約會期間更會推銷淨水器、花灑頭等。

Photo from MBS

受害女性成立咗受害者協會，並喺2月報警。目前宮川已因涉嫌欺詐而被捕，有日本記者直接採訪宮川本人，問佢係咪做約會生意，佢慌忙走避，又否認自己係宮川。

Photo from MBS

有網友笑言宮川係真正「時間管理大師」，又指佢「Send錯一個短訊、叫錯一個名都大鑊」，封佢為「記憶大師」。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

日本富二代靠父幹住過億豪宅！夢想做摔角手從不執屋家中遍地垃圾！

14 Apr 2021

31歲嘅日本富二代Haruka（はるか）獲富豪爸爸送贈價值過億嘅豪宅，不過佢唔住豪宅住公寓，更為咗做蒙面摔角手而搞到全屋滿地垃圾，令人大感驚訝！

Photo from 《ノブナカなんなん》

日本綜藝節目《ノブナカなんなん》訪問咗一位富二代Haruka，佢爸爸係地產大亨，佢住喺爸爸旗下物業，市值約$5,000萬港幣。

Photo from 《ノブナカなんなん》

Haruka爸爸更大方送咗一套過億嘅豪宅畀愛女，但Haruka為咗追夢，唔住豪宅，寧願繼續住依家呢個3房單位。

Photo from Haruka TWITTER

雖然Haruka所住嘅單位都係位於市中心嘅豪華公寓，但節目組上到去都大嚇一跳！原來入面竟然係遍地垃圾，衣物堆晒喺地上，速遞嘅紙盒亦放滿喺玄關。

Photo from 《ノブナカなんなん》

枱面到處都係外賣，食完唔執廚餘殘留發晒霉！連浴室嘅浴缸入面都仲有用過嘅沖涼水未放走，水面上甚至仲飄住一隻筷子，可見Haruka應該係一邊浸浴一邊食嘢，但沖完涼又唔收拾。

Photo from 《ノブナカなんなん》

原來Haruka嘅夢想係成為一名蒙面摔角手，佢表示想靠自己嘅能力取得成績，不過Haruka出道6年嚟打過400場比賽，但從來無贏過。

Photo from Haruka TWITTER

節目組問佢點解唔請傭人幫手執屋，佢就指媽媽唔知佢屋企有幾污糟，所以亦無請人去清理。Haruka似乎對家中嘅髒亂環境非常習慣，就算滿地雜物佢都面不改色坐喺垃圾堆中間食嘢、玩手機。

Photo from 《ノブナカなんなん》

Text: HolidaySmart Editorial

19 Mar 2021

相信大家都成日會喺討論區見到「拍拖嘅時候情侶應否AA制」嘅話題，但近日有日本綜藝節目就訪問咗一對夫婦，佢哋結婚後都貫徹始終咁過AA制嘅生活。就算老婆做家務都會按時薪咁比錢佢，呢種相處方式令唔少人睇完都覺得十分驚訝！