【妻子的浪漫旅行5】林峯公開2019年廁所求婚片段！ 張馨月表示曾有人發訊息糾纏林峯

近期，林峯同張馨月因為出演內地節目《妻子的浪漫旅行5》，而被網民熱烈討論！最新一集，張馨月就披露求婚嘅過程，但地點竟然係廁所，而林峯喺翻睇求婚影片嘅時候，都忍唔住眼濕濕！

Photo from 張馨月微博

林峯同張馨月出演內地節目《妻子的浪漫旅行5》而被網民熱烈討論，唔少網民都好羨慕兩人嘅甜蜜感情～但早前，張馨月就被網民話集集都喊，亦俾秦海璐直指「好矯情」，令網民對佢嘅好感度大減！

Photo from 《妻子的浪漫旅行5 》

Photo from 《妻子的浪漫旅行5 》

最新一集，張馨月就講到林峯2019年向佢求婚時嘅情形。佢話當日林峯就叮囑佢要著靚啲，佢就話憑住女人嘅第六感，就已經估到有啲古怪！後來，兩人就盛裝打扮，去咗香港一間位於好高樓層嘅西餐廳食飯。

Photo from 《妻子的浪漫旅行5 》

Photo from 《妻子的浪漫旅行5 》

張馨月直言去餐廳前就喺腦海裡幻想夢幻嘅求婚畫面，但成餐飯都冇咩特別嘅事情發生，林峯反而不停咁話佢，仲搞到佢有啲嬲！

Photo from 《妻子的浪漫旅行5 》

Photo from 《妻子的浪漫旅行5 》

一返到屋企，林峯就立刻返房，而佢就尾隨跟住。當佢一打開個廁所門，就俾眼前嘅景象嚇親！廁所入面佈置咗好多氣球同埋花，令佢嚇到即刻躺喺床度喊。之後，林峯就抱住佢同佢講「希我望接下來的人生裏會有你陪伴，我要讓你成為最幸福的人。」，並且單膝跪下向佢求婚，而佢就已經喊到收唔到聲，點頭表示願意～

Photo from 《妻子的浪漫旅行5 》

Photo from 《妻子的浪漫旅行5 》

而喺直播室嘅林峯，都忍唔住睇到眼濕濕，佢話會選擇廁所，係因為想喺對方諗唔到嘅地方求婚！佢仲話求婚當下，見到老婆喊就已經腦袋一片空白，忘記自己諗好嘅對白，表達緊張嘅心情，但就話有信心老婆會答應佢嘅求婚～

Photo from 《妻子的浪漫旅行5 》

Photo from 《妻子的浪漫旅行5 》

節目後期，一班妻子們就討論身邊嘅「綠茶」（表面好似好清純，但背後好攻心計嘅女仔）。而張馨月就提到有女仔以探狗為理由，喺拍拖時同求婚後都有用呢個原因糾纏林峯！

Photo from 《妻子的浪漫旅行5 》

Photo from 《妻子的浪漫旅行5 》

有唔少網民就推測，張馨月所講嘅好大機會係林峯嘅前度吳千語！事關林峯同吳千語拍拖時係有共同一齊養狗，令網民不禁認為吳千語嘅嫌疑係最大。

Photo from 吳千語FB

Photo from 吳千語FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）