【紅豆沙食譜】6大零失敗起沙、火力、時間貼士！附陳皮紅豆沙食譜+功效！與陳皮的完美搭配！

相信好多人都會在屋企整紅豆沙食，但做法看似簡單，但其實從揀紅豆到烹煮都大有學問，而且功效非常多！用大火或細火？烹煮幾耐？紅豆煮腍但唔起沙？以下整合了6大煮紅豆沙的零失敗秘訣、功效，仲附有陳皮紅豆沙簡易食譜，就算新手都能煮出好味又「啖啖沙」的紅豆沙！

Photo from 富薈旺角酒店官網

6大煮紅豆沙貼士

揀紅豆

盡量揀有光澤鮮紅色的紅豆，豆身呈暗啞或赤色，以及表層有蛀口都不要。

Photo from Big Big Channel YouTube

浸泡紅豆

紅豆清洗乾凈，浸泡一晚，讓紅豆盡量吸收水份。如想加上冷藏法亦可以，就是將浸過夜的紅豆隔水，放入雪櫃4小時或以上，利用冷縮熱脹的原理，令紅豆受冷收縮，遇熱（烹煮）膨脹，就會更快腍及易起沙。

*著名廚師黃亞保在TVB節目《流行都市-睇餸食飯》就曾建議紅豆不要浸過夜，否則豆色變淡。紅豆不需要清洗，直接炒，炒至有豆香或紅豆變黑，煮出來的湯色更好。其實用邊種方法，就睇個人喜好。

烹煮紅豆

將紅豆倒入煮滾的水裏，用大火烹煮45分鐘，再轉中火煮2小時15分鐘。

Photo from TVB USA Official YouTube

紅豆打沙去衣

將紅豆連水倒入篩子，用器具如湯勺按壓紅豆，流出來的就是紅豆沙。過篩後的豆衣不要，否則紅豆沙會多渣。

*不建議用攪拌機打沙，以中醫角度來說，豆衣會容易產生胃氣，難以消化。

Photo from TVB USA Official YouTube

烹煮紅豆沙

將過篩後的紅豆沙倒如鍋裏繼續煮，加入冰糖，煮至冰糖溶化，再焗30分鐘即可。烹煮時要不斷攪拌，避免黐底。

Photo from TVB USA Official YouTube

「最佳拍檔」陳皮

煮紅豆沙肯定要搭配能提香且有益處的陳皮！陳皮有分年份，煮紅豆沙就建議用20~30年的陳皮，味道較淡。

Photo from UrbanLife Health

陳皮紅豆沙食譜

陳皮紅豆沙做法

1. 將紅豆洗凈後，浸泡一晚。
2. 將陳皮洗凈刮囊，浸泡至變軟。
3. 將紅豆與陳皮加入煮滾的水裏，大火煮1小時，轉中火煮2小時。
4. 將煮腍的紅豆撈起，用器具按壓成沙。
5. 將紅豆沙倒入鍋裏，加入冰糖調味，待冰糖溶化。如水太少，可根據個人偏好口感加水調節稀稠度。
6. 繼續煮30分鐘~1小時，煮至散發陳皮味道即可。

Photo from TVB USA Official YouTube

紅豆沙神奇功效

• 解熱利尿
• 潤腸通便
• 降血壓、血脂
• 調節血糖
• 預防結石
• 通乳催乳
• 解酒解毒
• 助消化消滯
• 去除水腫腳氣

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

相關文章：【免焗甜品食譜】透明甜品造型超美！夏天必食簡單易整涼透心

相關文章：【蒸水蛋貼士】8大零失敗嫩滑秘訣！完美掌握水/蛋比例/蒸煮火力/時間！