27歲港男疑似被40歲女上司主動追求 扮瞓挨膊頭 網民：係阿姐的愛！

姐弟戀已經變得越來越普遍，大家都冇咁介意年齡上嘅差距！最近，有位港男就表示年約40歲嘅女上司好似追緊佢，會同佢一齊放工搭車，行為十分主動，令佢十分不知所措。

Photo from TVB

對於辦公室戀情，唔少人都抱持唔同嘅睇法！日前，有位27歲嘅港男就喺討論區表示自己好似俾年約40歲嘅單身女上司睇中咗，仲非常主動咁接近佢，令佢十分驚慌！

Photo from Dcard討論區

佢話由於最近工作比較忙碌，所以經常需要OT工作到八九點。每次女上司離開公司嘅時候，都會問佢「啊仔！收工啊？一起走？」，初時都覺得冇咩事。但直到第3次一齊收工就開始有啲奇怪，喺搭車嘅時候，女上司就不停問佢關於拍拖嘅話題。

Photo from TVB

由於港男現時係單身，所以女上司就問佢「點解唔拍拖啊」、「鍾唔鍾意姐姐類型㗎？」等問題，令佢感到十分奇怪。而上星期五放工搭車嘅時候，女上司仲瞓著咗挨咗落佢膊頭度，令佢不禁懷疑女上司究竟係真定扮瞓？！

Photo from TVB

港男話並唔鍾意女上司呢種類型嘅女仔，直言自己偏愛年輕同身材好嘅女仔。但面對女上司如此進擊嘅表現，令佢非常不知所措，忍唔住上網詢問網民們嘅意見。

Photo from Dcard討論區

Photo from ViuTV

呢個post一出就受到網民們嘅關注，唔少網民都講笑留言「可以諗定提早退休嘅生活」、「阿姨我不想努力了！」等，非常搞笑！不過亦有網民分享自己嘅親身經歷，話曾經因為冇接受上司嘅心意，而慘遭針對，後來選擇轉工。

Photo from Dcard討論區

Photo from Dcard討論區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）