港男呻女友成日講反話！話唔使陪但又發嬲！女網友教簡單一招分辨女友真心話

情侶相處大有學問，唔少人都會因為get錯女朋友意思而吵架。近日有港男喺討論區發文表示女友成日講反話，令佢完全分辨唔到女友說話背後嘅真正意思，仲因此激嬲對方，覺得十分煩惱，唔少女網友即刻留言教路！

Photo from TVB

港男呻女友成日講反話

最近喺Dcard有網民發文指女朋友成日講反話，佢表示女朋友經常嫌棄佢聽唔明女友說話背後嘅意思，但佢自言真係分唔到，於是向網友求助：「到底點分辨？」

Photo from TVB

樓主女友指佢為人「直男」又唔夠細心，佢又舉例稱有一次女朋友去做facial，樓主有主動問女友使唔使陪佢一齊去，雖然已好「貼心」咁主動提出陪女友，但最後都「中伏」激嬲女朋友。

Photo from TVB

Photo from TVB

女友話唔使陪做facial但最後又嬲咗

女朋友婉拒咗樓主陪佢去做facial嘅提議，表示樓主夜晚要去踢波，無謂跑嚟跑去：「你依家休息下，夜啲先有力踢」

Photo from TVB

樓主聽聞即心諗女友十分體貼，佢就「心安理得」咁由女友自己一個去美容院，點知出晒事！女友send咗一段message畀佢話其實好想樓主陪佢，又表示想見多啲。

Photo from TVB

Photo from TVB

樓主雖然理解女友想見面嘅心情，但對於佢講咗唔使陪但最後又失望嘅心態深感難以捉摸：「佢成日講反話點知咩先係真」

Photo from TVB

網友解讀口不對心女友心聲

有女網友就解讀咗樓主女友嘅真心：「因為想體諒你、唔勉強你，但又想你陪，但又唔想你係因為我想你陪先陪，想你主動想陪」，所以先拒絕樓主睇下佢係咪真係唔陪，點知樓主真係唔陪，令女友覺得樓主本身都唔係真心想陪，內心有落差感。

Photo from Dcard

Photo from TVB

就咁睇解讀都感受到女人心思有幾複雜！難怪樓主咁苦惱，有網友就認為facial都要人部就無謂咗啲，因為男友都淨係可以喺出面坐，無咩好陪。

Photo from 《大內密探零零發》

Photo from TVB

女網友教路簡單一招分辨女友內心真話

有女網友都認同口不對心嘅女友好麻煩，佢教路：「記住呢句話：唔要姐係要，要都係要」，無論女友話使唔使都好，一律照做咗先。另一位女網友就教一招簡單分辨方法：「女仔冇約自己啲朋友=等你陪」，如果女友約咗朋友一般情況下都唔使陪。

Photo from Dcard

相關文章：女友經常暗示想買車 港男壓力超大！ 網民建議：起碼月入40K先好養車

相關文章：港男列搵女友必備7大條件「如果唔係寧願單身」：唔洗送返屋企/唔介意食平民嘢/唔會理男友買咩

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

港男稱唔中意女友出街被男人望但女友覺得無問題！網友熱議：代表你女友夠靚囉！

7 Oct 2021

喺街上見到外型唔錯嘅異性，可能都會望下。不過近日喺討論區就有網友開post，指佢唔中意女朋友畀其他男士望，掀起網友熱議，有人認為男人望女仔好正常，亦係天性嚟。

Photo from TVB

港男不滿女友出街被男人望

有網友最近於香港討論區發文「唔鐘意條女成日比人?」，佢表示有啲路人明明已經行過都要掉轉頭望佢女朋友，令佢心情十分不快。

Photo from TVB

作為男士，樓主指自己都理解男仔會忍唔住關注外型亮眼嘅女生，但佢認為自己身為男朋友企係女生側邊，街上嘅男士都仲咁明顯咁望，樓主直言：「有時真係嬲嬲地」，不過佢女朋友就話覺得無嘢，表現大方唔介意被人望，樓主難掩失落，於網上問其他男士明唔明佢嗰種心情。

Photo from TVB

Photo from TVB

Photo from TVB

網民直言係「男人天性」

然而唔少網友就認為男士望女士好正常，畢竟人類嘅目光好易被美好嘅事物所吸引，靚女自然就多人望㗎啦！而樓主女友獲咁多異性行注目禮，相信外型十分出眾，有人指樓主應該為此感自豪，又有人羨慕樓主有靚女女友。

Photo from TVB

樓主提到女友並唔介意被人望，有部分網民就指樓主都無立場嬲，因為被望嘅當事人都無異議，有人就表示樓主女友可能覺得被人望係對外型嘅肯定，應該會好開心。

Photo from TVB

網民又直言望女仔其實係男人天性，即使樓主咁介意都無辦法，除非唔畀女友出街，或者直接叫望女友嘅男士唔好再望，但顯然係無咩可能做到，網友嘅「建議」都係玩笑居多。

Photo from TVB

女士亦指唔中意男友望其他女仔

望女仔係男人天性，除咗女生們嘅男友有煩惱外，其實唔少女士都感到困擾。有女生就表示男友成日喺街望其他女仔，就算同佢提過都改唔到，令一班女友傷心又生氣。

Photo from lihkg

Photo from TVB

Photo from lihkg

唔少女士都好有共鳴，更有網友稱佢男友望完女仔後會同佢分享人哋有幾靚，但即使嬲完，男友下次出行仍然係犯「重覆嘅錯誤」，但有網民就好「睇得開」，認為只係望下都好正常：「又唔係溝」

Photo from TVB

Photo from lihkg

Photo from lihkg

相關文章：港男稱同事貌似「陳冠希」！參加speed dating自爆住公屋 在場女士全「黑面」！

相關文章：港男獲好友介紹識女仔！約出街初印象極佳但發現女方竟是雙面人！網友：人哋已經好畀面

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）