梁洛施奢華豪宅內部曝光！傳誕下3子獲石澳2萬呎大宅作獎勵，另有5億分手費

By Jennifer on 23 Dec 2021

Digital Editor

今晚食乜餸：小二，嚟一碟花生！

梁洛施（Isabella）2008年同富商李澤楷嘅戀情曝光，更為對方誕下3位兒子，雖然兩人於2011年分手，但有指回復單身嘅Isabella獲5億分手費。佢又不時分享日常照，可以一探所住嘅豪華大宅，生活十分寫意。

Photo from 梁洛施 IG

梁洛施曾獲贈豪宅作獎勵？！

現年33歲嘅梁洛施（Isabella）分別喺2009年同2010年為李澤楷誕下3個兒子，有傳當年男方將名下價值逾5億嘅石澳豪宅贈送畀Isabella作為禮物。據悉石澳豪宅材料大多都係以美國紅木所製成，裝修費用十分昂貴，更用咗8年先建成，佔地超過兩萬呎，另外仲有三萬七千呎室外花園！

Photo from 梁洛施 IG

梁洛施分手後宣佈復出

兩人雖然喺2011年宣佈分手，但有指梁洛施獲贈5億分手費！不過李澤楷曾發聲明指分手費報導並非事實。梁洛施同3個兒子一度定居加拿大，但2013年佢宣佈復出。

Photo from 梁洛施 IG

復出後嘅梁洛施有拍過幾套電影，工作量唔多，佢平日喺社交網站大部分都係分享日常照，生活相當寫意。近日佢收養兩隻流浪貓Milo同Mila，做咗貓奴嘅Isabella亦不時大晒主子嘅相片。

Photo from 梁洛施 IG

豪宅內部曝光

Milo同Mila嘅生活照卻令Isabella所住嘅大宅意外曝光！Milo同Mila嘅小窩就喺窗邊，超大落地玻璃可以遠眺一片綠油油山景，景色怡人。

Photo from 梁洛施 IG

客廳以木地板為主，擺設十分溫馨；另有一偏廳，Isabella常喺呢度搞生日會，佢32歲生日時亦與好友一齊慶祝，偏廳以白色為主，背後書櫃放滿唔同嘅書籍。

Photo from 梁洛施 IG

飯廳有唔少綠色植身做裝飾，有田園feel，仲放咗唔少兒童畫，相信係3個仔仔嘅作品；廚房裝修簡單，以大理石為主材料，Isabella一邊煎牛扒一邊飲紅酒，好享受！

Photo from 梁洛施 IG

連誕3子未入豪門，梁洛施稱唔後悔

雖然連生3個兒子，但梁洛施最後都未入豪門。佢喺2018年出演內地節目《奇葩說》曾自稱「我是曾經選擇過，但不後悔的梁洛施。」，被問到佢年紀小小就做媽媽，梁洛施亦坦言的確比想像更早，但就表示遇到最愛嘅人，生幾多小朋友都係值得。

Photo from 《奇葩說》

Photo from 梁洛施 IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張秀文拒絕未婚夫送豪宅大禮！原來女藝人收樓做禮物好普遍?!

6 Dec 2021

2021年娛樂圈中亦有唔少喜訊傳出～早前，前港姐張秀文就被爆明年同拍拖1年嘅金融才俊男友王大權（Billy）結婚，而男方仲打算送黃竹坑豪宅新盤俾佢作為結婚禮物，不過張秀文就認為價錢太過昂貴而拒絕呢份「大禮」！

Photo from 郭嘉文IG

# 張秀文明年與金融才俊男友結婚！

現年34歲嘅前港姐亞軍張秀文就被爆將於明年同從事金融嘅男友王大權（Billy）結婚，外界盛傳男方係富二代，而且年薪高達百萬，絕對係「荀盤」！而張秀文喺IG公佈婚訊時就感謝媒人阿Bob（林盛斌），令佢可以成功覓到餘生嘅伴侶。

Photo from 張秀文IG

# 拒絕未婚夫送豪宅！

最近，張秀文接受訪問時就表示未婚夫曾兩度主動送樓俾佢，希望可以完成張秀文做業主嘅夢想。而男方本來就打算購買位於黃竹坑嘅豪宅新盤俾佢，然而佢就嫌樓價太過昂貴而拒絕，仲話自己其實並唔心急想買磚頭！據悉，現時佢已經搬入未婚夫嘅豪宅一齊居住，雖然間屋暫時未有加佢名，「佢見我咩都冇所以就話結婚後，佢嘅嘢有一半都屬於我！聽到都幾感動嘅。」

Photo from 張秀文IG

其實娛樂圈過往亦有唔少女明星獲得物業作為禮物，而家就等我哋睇下有邊幾位啦！

陳庭欣

2010年港姐冠軍陳庭欣同擁有10億身家嘅彩豐行老闆楊振源（Benny）交往多年，而本身居住公屋嘅佢亦變得越來越富貴，因此近年經常傳出婚訊。有指，佢上年就已經搬入月租10萬元嘅沙田九肚山豪宅居住。

Photo from 陳庭欣IG

有傳，楊振源因為緋聞多而激嬲女友陳庭欣，所以佢就專登送上價值逾千萬嘅黃大仙現崇山單位哄返女友！

Photo from 陳庭欣IG

梁洛施

梁洛施於2008年爆出同富商李澤楷嘅戀情，並分別於2009年同2010年為男方誕下3個兒子。有傳當年男方贈送價值逾5億嘅石澳豪宅俾佢作為禮物，據悉呢間屋非常特別材料大多都係以美國紅木所製成，所以裝修費用亦好昂貴，足足用咗8年先建成！不過兩人已經於2011年正式分手。

Photo from 梁洛施IG

郭嘉文

2015年港姐季軍郭嘉文喺2016年同李澤楷公開戀情，仲因此被外界稱為「千億女友」！喺戀情曝光不久後，佢就同TVB解約過悠閒嘅生活。2017年，郭嘉文就被爆以個人名義購買價值過億嘅九龍塘逸瓏天池屋頂樓，由於佢出身於小康之家，再加上TVB人工低，所以唔少人都推測豪宅應該係李澤楷贈送嘅禮物！

Photo from 郭嘉文IG

Mandy Lieu

Mandy Lieu喺2014年同澳門娛樂大亨周焯華（洗米華）傳出緋聞，而同年佢就一筆過購入逾9,132萬嘅「珒然」半山單位，據悉單位面積大約係2,200呎。由於媒體經常都拍到佢同洗米華一齊返該單位，所以被大家喻為佢哋兩人嘅愛巢！不過現時該單位已經抵押予新濠博亞（澳門）公司，以抵欠該公司嘅所有債務。