溫兆倫自誇57歲保養得宜，直言後生靚仔過濃妝小鮮肉：分不清男女
Photo from 《流金歲月》劇照
溫兆倫定居內地，直播賺錢
早於1996年溫兆倫就已經轉返內地發展並定居於北京，佢近年減少幕前演出，開始轉型做幕後，又開直播帶貨，甚至賣過女性用品。佢最近就開直播同網友交流，睇背景佢似乎喺屋企，打扮亦十分日常。
Photo from 微博
溫兆倫開濾鏡自誇57歲保養狀態佳
不過溫兆倫亦同其餘直播嘅藝人一樣有開到內置嘅filter，不過美顏濾鏡未算最誇張，佢喺直播中表示經常被網民話老：「你們誰敢和我連線比一比？」溫兆倫稱佢今年已經57歲，保持咁樣嘅狀態已經好好！
Photo from 微博
雖然佢無化妝、set頭等悉心打扮，但直播亦睇得出佢保養得唔錯，皮膚光滑、頭髮濃密，完全唔似過多幾年就60歲，不過亦有網民認為佢開住濾鏡讚自己保養得好十分無說服力。
Photo from 微博
自信讚自己年輕時靚仔過小鮮肉，溫兆倫直言鮮肉濃妝難辨男女
溫兆倫除咗覺得自己keep得好，亦對佢年輕時嘅顏值予以肯定，自信表示佢後生比時下小鮮肉「強多了」，又指依家啲小鮮肉日日搽幾層化妝品，濃妝又厚粉，直言：「分不清男女，不知道你們喜歡他們甚麼？」
Photo from 微博
Photo from 微博
溫兆倫嘅言論亦獲唔少網民認同，又紛紛回憶起佢年輕時出演嘅經典角色，大讚佢勁有魅力：「香港明星真的保養功力一流。」
Photo from 溫兆倫微博
出道40年桃花勁！有3任老婆
事實上溫兆倫80年代曾經係當家小生，俊俏外型加上戲路寬廣，即使做奸角都非常受歡迎。出道40年嚟有唔少前女友，曾經同郭羨妮相戀，但兩人戀情僅維持兩年，佢亦有過3段婚姻。
Photo from 《流金歲月》劇照
溫兆倫與第一任妻子於1989年結婚，佢當時得25歲，妻子係馬來西亞華僑李美玲，不過結婚4年後就離婚，兩人更因為財產問題對簿公堂。到1996年佢同潘燕妮相識，兩人2002年被爆結婚但無幾耐就離婚，之後兩人都承認曾經結婚。
Photo from 溫兆倫微博
2013年溫兆倫同細佢20歲嘅內地演員趙庭結婚，兩人婚後育有一女，有傳北上發展多年嘅溫兆倫身家過億！即使唔再於幕前出演都足夠佢過退休生活。
Photo from 溫兆倫微博
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
40歲孫藝珍晒素顏生日照！零濾鏡真樣被嫌保養得唔好！小S發文抱不平
14 Jan 2022
韓國女演員孫藝珍唔止演技出色，更擁超高顏值獲封為女神。近日佢慶祝40歲生日，公開咗唔少相片，當中更包括素顏照。零濾鏡下嘅佢獲唔少網友大讚，但亦有人直言佢保養得好差，計小S（徐熙娣）都忍唔住為女神平反！
Photo from 孫藝珍IG
孫藝珍晒相慶祝40歲生日
韓劇《愛的迫降》大熱，令兩位主角玄彬同孫藝珍人氣急升，佢哋更戲假情真成為現實情侶！兩人公開戀愛一年，感情依然穩定，超高顏值嘅組合得到唔少人祝福。
Photo from 孫藝珍IG
最近孫藝珍迎嚟40歲生日，佢喺IG公開咗fans送上嘅禮物照，以及片場工作人員為佢慶祝嘅生日會相片：「非常感謝大家，我很感動！」
Photo from 孫藝珍IG
Photo from 孫藝珍IG
Photo from 孫藝珍IG
素顏照曝光，有網友彈孫藝珍保養得差
其中仲有素顏照！相中孫藝珍不施脂粉，而且相片更係零filter！雖然相片唔算好清晰，但都睇得出孫藝珍皮膚白裡透紅，狀態極好，完全唔似40歲。
Photo from 孫藝珍IG
其實孫藝珍一向都有凍齡女神嘅美譽，《愛的迫降》嗰陣佢雖然已38歲但靚樣依舊，甚至有人搵返佢19年前拍電影《假如愛有天意》嘅劇照，外型變化唔大，依然仙氣十足！
Photo from 《愛的迫降》
Photo from 《假如愛有天意》
不過除咗讚佢靚嘅留言外，都仲有唔少人直言孫藝珍保養得唔好，憑「無filter」嘅相片已睇出佢美貌不再，更有網民稱佢微調太多，以致肌膚不再緊繃。
Photo from 孫藝珍IG
小S發文為孫藝珍抱不平
小S喺IG為孫藝珍抱不平，表示睇到孫藝珍嘅照片，覺得佢無P修圖或美圖，但網友竟嫌棄佢：「明明就是漂亮的啊！到底要怎樣，大修圖，你們嫌假，不修圖，又要嫌老！你們是有多帥多美啊？」
Photo from 小S IG
唔少網友都認同：「孫藝珍明明很正！氣質又好！」、「孫藝珍是貨真價實的美無誤」，亦有人大讚小S素顏都一樣咁靚：「姐也一樣漂亮」、「可是你比孫藝珍美欸，怎麼辦??」
Photo from 孫藝珍IG
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
