患癌丈夫生前打賞主播600萬，妻崩潰為治病賣樓負債累累

生活熱話

By Moon Lam on 02 Jun 2022

Digital Content Writer

內地有一位人妻向傳媒爆料稱自己丈夫患癌去世，係查詢銀行流水帳時發現丈夫生前竟然係直播平台消費數百萬人民幣！但家人為幫丈夫治病賣樓借錢，子女甚至要停學，一家人決心追回呢筆款項！

Photo from 劇照

據《南方都市報》報導，呢一家人來自四川坦洲鎮，欣姓人妻同李姓丈夫育有一子一女。丈夫係珠海市民營企業的高級管理層，兒子正就讀大學，而女兒係私立小學讀書。欣女士提到雖然同丈夫夫妻感情唔算好，但一家四口都生活無憂。

Photo from 劇照

欣女士提到丈夫年薪有幾十萬，但自己作為家庭主婦從來不過問對方工作，因此唔清楚丈夫嘅財務狀況，甚至未去過丈夫工作嘅地方。而李先生亦只比過一張工資卡欣女士，裡面每個月會有8000元人民幣，欣女士亦話丈夫平日相當節儉。

Photo from 劇照

2020年4月，李先生被查出有胃癌，而且曾一度隱瞞自己患癌，又唔願意接受治療，但最後都選擇係8月進行手術。而欣女士為咗丈夫嘅病，賣咗自己兩套房地產，仲向親朋戚友借咗四、五十萬人民幣，總共用咗百多萬。但最後李先生都係喺2021年10月因胃癌逝世。

Photo from 劇照

治療期間李先生從未提及家中存款，亦無留下任何遺言同財產，但家中已經欠下巨額債務。所以今年3月底，欣女士同兒子憑丈夫嘅死亡證明去查詢丈夫嘅銀行信息。兒子表示父親每張卡入面基本上都無錢，所以佢地搵銀行列印資金明細，發現大量係直播平台嘅支出，令佢地好震驚，只係其中一張銀行卡就已經係直播平台充值達40萬。

Photo from 新聞截圖

然後兒子就用爸爸嘅微信帳號進入直播平台，發現佢嘅直播平台帳號等級係24級，相對於用咗近68萬人民幣！但其後佢諗起李先生有幾個微信帳號，於是更驚人咁發現爸爸另一個直播平台帳號，等級為「神豪5級」，相對嘅支出高達450萬人民幣！而帳號記錄發現李先生近幾年一共打賞100多位主播，總支出推算用咗518萬人民幣！

Photo from 新聞截圖

此外，李先生生前嘅微信同支付寶係近幾年嘅流水帳有超過300萬支出，其中70％都用係充值直播平台！欣女士提供資金明細，發現李先生嘅充值時間多數係中午同夜晚﹐單次最高充值5000元，一日仲會充值幾十次，好多時間隔只有一兩分鐘。

Photo from 新聞截圖

欣女士表示因為家庭經濟狀況實在太差，除咗治療費用借咗幾十萬，自己仲要獨力還房貸，所以讀大學嘅兒子不得不休學做兼職，而女兒亦因經濟負擔太大，要從私立小學轉學。對此兒子係訪問中強忍情緒表示恨嘅唔係爸爸，而係父親自私又不負責任嘅行為令佢耿耿於懷。欣女士認為丈夫消費嘅係夫妻共同財產，丈夫屬於非法處置夫妻共同財產，因此希望可以討回李先生打賞嘅款項，用黎撫養未成年嘅女兒，就算只討回一部分都好。