李蘢怡當年憑《夜遊杜拜》一夜爆紅卻選擇淡出幕前？家庭背景顯赫！1年前街訪片段曝光獲讚美貌依舊！

By Stephanie on 23 Aug 2022

Digital Content Writer

前女歌手李蘢怡（Tiffany）已經淡出幕前多時，不過佢過往推出嘅歌曲係唔少80、90後嘅童年回憶～事實上佢入行僅僅6年就決定要淡出娛樂圈，仲遠赴英國讀大學，似乎係一心想轉行；而佢上年仲依然有上載自己嘅生活照，獲唔少網民大讚保養得宜！

Photo from 李蘢怡微博

李蘢怡憑《夜遊杜拜》爆紅！

現年39歲嘅李蘢怡（Tiffany）2000年以模特兒身份出道，其後曾出演過唔少電影及推出唱片，當中《夜遊杜拜》就係佢當年最hit嘅一首歌，至今依然有唔少人記得呢首歌曲～而《夜遊杜拜》MV仲邀請咗馬國明做男主角，二人20年前嘅模樣都非常青澀，青春無敵！

Photo from 《夜遊杜拜》MV

擁有模特兒般的高挑身型

本身身材高挑嘅李蘢怡人氣急升後，獲邀為張玉珊拍攝「修身堂」嘅廣告，以三點式上陣大晒苗條身型，成功迷倒唔少男粉絲獲封為「女神」～其後，有報導指李蘢怡因為結交男友，決心為對方推掉工作；直到後來男方移情別戀才醒覺，嘗試挽回事業，幸好張玉珊其後再次給予機會。

Photo from 李蘢怡微博

演藝事業發展平平

可惜，再次投入工作嘅李蘢怡其後一直都發展平平，雖然獲邀拍攝電影，但飾演嘅角色都係配角居多；2006年，佢決定退出幕前並轉行從事公關工作，一心轉行唔再留喺娛樂圈！

Photo from 李蘢怡微博

2015年遠赴英國修讀大學完成心願

喺2015年，李蘢怡仲決定遠赴英國倫敦修讀藝術學位課程，3年後佢成功以優越嘅成績畢業「我終於可以跟人說我大學畢業了～」鼓勵大家都向自己嘅夢想邁進！2018年，佢獲得英國皇家藝術學院（Royal College of Art）錄取修讀Jewellery & Metal的碩士學位，該學府被譽為當地最厲害嘅藝術學院，似乎係想向設計行業發展～

Photo from 李蘢怡微博

再修讀碩士學位決心向設計師之路進發！

其後，李蘢怡曾經喺倫敦辦過展覽展示作品，佢亦曾經以成名曲《夜遊杜拜》作為主題創作新作品，令唔少粉絲都直呼「回憶返晒嚟～」而佢對上一次更新近況已經係1年前，當時佢接受街訪問向大家介紹佢身上嘅服裝，當時佢就透露自己有意創造自家品牌。

Photo from 李蘢怡微博

父母家底豐厚，曾被誤會係李龍基女兒？

李蘢怡喺剛出道嘅時候，因為姓名同李龍基太相似，令唔少網民誤會二人係父女關係；而佢哋仲曾經搞笑合唱《明天你是否依然教我》。事實上李蘢怡父母喺佢年少時離異，媽媽係仁愛堂前副主席鄭玉而（前名鄭玉嬋），其後再改嫁；父母本身家底豐厚，據悉最高峰時期足足擁有20幾個物業！

Photo from 李蘢怡微博

Photo from TVB

相關文章：69歲李龍基細28年太太最新照曝光散發濃郁少女味網民：以為係父女！

相關文章：50歲楊崢近況曝光！淡出多年轉型飲食作家周遊列國同名廚打卡

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

97年華姐冠軍盧淑儀近況曝光入行後機會不多退圈轉型做美女廚師

20 Jun , 2022

1997年華姐冠軍盧淑儀入行後投身演藝工作，更參演過荷里活喜劇電影。然而，佢未有留在影壇發展，現時已轉行當廚師，更係一位法國三星名廚嘅徒弟，曾與半島酒店工作。

Photo from 選美比賽截圖

盧淑儀選美冠軍出身，惟入行後機會不多

43歲盧淑儀（Monica）係華裔加拿大人，97年力壓李珊珊奪得華姐冠軍殊榮。當選後佢正式入行，在千禧年代接拍過多套港產電影，當中包括由古天樂、楊千嬅主演嘅《乾柴烈火》，吳彥祖和Maggie Q嘅《赤裸特工》等。但佢戲份不多，大多角色都缺乏發揮空間。

Photo from 選美比賽截圖

Photo from 《赤裸特工》劇照

Monica一度參演過兩部英語片，分別係由程小東執導，動作影星Steven Seagal主演嘅《臥虎潛龍》（Belly of the Beast），以及Hilary Duff主演嘅喜劇《Legacy》（又名《Pretty Little Devils》）。雖然Monica於後者飾演三大女主角之一，但上述兩套電影均直接發行影碟，未有在戲院上畫。