79歲老翁年少時1夫10妻，依然處處留情？！老年時期卻無人問津狀況超慘？
正所謂「年少輕狂」，可能好多人都會喺年輕時毫不保留咁大玩特玩～現年79歲嘅泰國老翁年輕時憑俊俏外型，一共擁有10位妻子，與此同時佢依然繼續周圍認識新嘅女生，一心多用！但現時年紀老邁、體弱多病嘅佢突然發出尋人啟事，希望佢嘅妻兒們能夠返嚟照顧佢？！
Photo from AMARINTV : อมรินทร์ทีวี @YouTube
泰國伯伯為尋找妻兒發出尋人啟事
根據外媒報導，79歲泰國老翁普瓦納特（Phuwanat Rattanawichit）早前為咗尋找返自己嘅妻子及孩子們，開始喺當地發出尋人啟事，令唔少當地嘅網民都開始關注佢過往嘅經歷！
Photo from AMARINTV : อมรินทร์ทีวี @YouTube
過往情史超豐富！
據悉，老翁年輕時任職房地產生意，經濟狀況唔錯，自稱樣貌英俊瀟灑，因此異性緣亦都非常好！有指佢暫時「登記」過嘅妻子一共有10位，雖然伴侶數目已經好多，但當年年少輕狂嘅佢依然繼續周圍認識女仔，喺泰國唔同城市都擁有「另一半」，身邊不乏女伴。
Photo from AMARINTV : อมรินทร์ทีวี @YouTube
共有10名妻子，每一任都有生小朋友？
老翁接受傳媒訪問時，表示每一任妻子都有同佢生小朋友，所有就咁睇佢應該至少有10名孩子。原本應該兒孫滿堂嘅佢現時卻只剩下一名女兒普拉帕松（Prapassorn Rattanawijit）陪伴喺佢身邊，而呢名女兒係佢同第一任妻子所生嘅。
Photo from AMARINTV : อมรินทร์ทีวี @YouTube
即睇更多人氣文章：
上年意外跌倒，導致身體狀況每況越下！
女兒向媒體透露指爸爸退休後就搬到寺廟居住，但上年卻不慎跌倒，身體狀況頓時變差！而女兒今年1月就搬咗返屋企休養，並由女兒照顧所有起居飲食；但女兒坦承自己一人實在難以照顧爸爸。
Photo from 《Sanook》
Photo from AMARINTV : อมรินทร์ทีวี @YouTube
女兒獨自難照顧父親
因此父女二人就開始發出尋人啟事，希望搵返其他屋企人一齊生活或者輪流照顧老翁，分擔生活苦況。而老翁表示知道其中4名妻子已經離世，但依然保持一絲希望可以同剩下嘅孩子們「團聚」！
Photo from AMARINTV : อมรินทร์ทีวี @YouTube
Photo from 《Sanook》
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
66歲無業男娶16妻誕151子：目標娶100 每晚4人「運動」網民：人生贏家
15 Apr , 2022
香港向來實施「一夫一妻制」，婚後偷食會被鄙視。但係，喺津巴布韋共和國有一名66歲男子已娶下16名妻子，誕下151名孩子，仲無需工作！依個究極版「不想努力了」例子引起網民熱議。
Photo from 《大內密探零零發》Chris Chang Youtube
近日，有報道指津巴布韋一名66歲男子尼安多羅(Misheck Nyandoro)擁有過人家庭生活。佢已經娶咗16個老婆，生咗151名細路。以為佢要打N份工養家？錯了，佢長年無業，仲話自己份工就係取悅老婆們。佢更定下人生（工作？）目標，就係要喺歸西前娶到100名妻子，同誕下1000名子嗣。
Photo from @Cand_Ziziba Twitter
雖然尼安多羅妻子數量超然，但其實佢最近一次娶妻已經要追溯至2015年，之後佢祖國陷入經濟危機，佢逼於無奈要暫停娶妻計畫。但尼安多羅表示佢好快就會「重振雄風」，佢決定於2021年冬天迎娶第17名妻子。
Photo from @Cand_Ziziba Twitter
為咗喺有限時間內達成佢生育大計，佢每晚會「自律」，同4名妻子進行旺子「運動」。為咗將效益提升至最高水平，尼安多羅更會編訂Schedule。佢又表示，由於女人性慾會隨年齡下降，所以佢每次都會娶後生囡成為佢嘅新老婆。佢解釋，女人越年輕，性慾越旺盛，較易協助達成佢嘅生育夢想。
尼安多羅心思細密，佢仲會因應每名妻子嘅年齡與生理狀況，調節個人化「運動」計劃細節。
Photo from 《大內密探零零發》截圖
Photo from 《鹿鼎記》@Hz Youtube
尼安多羅擁有93公頃田地，屋企以務農為主，但佢無需落手做嘢，大呼自己只需取悅一眾老婆。佢仲非常大牌，如果佢覺得老婆煮嘢唔啱口味，會立即「退貨」，佢解釋，係希望老婆們知道邊度有改進空間。至於孩子們，尼安多羅話佢哋會畀錢同禮物自己，所以佢生活不愁衣食，仲直言佢哋一家過得好快樂。
Photo from 《大內密探零零發》截圖
據悉，尼安多羅嘅151名仔女中，有指有6人正喺軍隊服役，2人做警察，有50名孩子仍然就學，另有13名女兒已出嫁，有人指當中23名兒子已婚，部分人都「有樣學樣」，繼承一夫多妻嘅生活。
有網民認為尼安多羅簡直係人生贏家，亦有人經計算後表示平均一個尼氏老婆生十個。有人則為當地其他男人抱不平，認為尼安多羅娶曬啲女人。
Photo from 連登評論
Photo from 連登評論
Photo from 連登評論
有網友則懷疑過百名孩子中並非全部親生，既然男方可一夫多妻，可能有部分妻子都實行多夫制。
Photo from 連登評論
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
