減極都減唔走個肚腩？你可能有「內臟脂肪」！日本醫生成功瘦咗15KG！

內臟脂肪到底係啲咩？簡單嚟講就係集中喺腹腔入面嘅脂肪，圍繞住人嘅內臟器官。如果你四肢唔算肥，但係擁有一個減唔走嘅肚腩，咁就可能係因為內臟脂肪～

而日本研究心血管嘅名醫池谷敏郎就親身試驗「飲果汁」加埋「抬腿1分鐘」呢2個簡單嘅方式，最後成功踢走「內臟脂肪」，健康地減咗15KG！

A post shared by 池谷敏郎 (@toshiroiketani) on Dec 2, 2016 at 9:30pm PST

池谷敏郎將呢款「燃脂果汁」加入亞麻籽油，朝早飲完，一整日都可以燃燒脂肪～因為亞麻籽油含有豐富Omega-3脂肪酸，可以抑制中性脂肪長成，同埋促進體內酵素分泌～

Photo from Pinterest

仲可以改善到過敏，抑制發炎，促進骨骼健康、腸胃蠕動，預肪心血疾病！簡直就係Super Food！

Photo from Pinterest

「燃脂果汁」做法

材料有甘筍 4條、蘋果半個、檸檬1個、亞麻籽油1/2至1小匙，將以上材料切到細細塊，放入去果汁機或者慢磨機榨汁，最後加埋亞麻籽油就可以～

Photo from Pinterest

一般嚟講，有氧運動係需要做夠30分鐘以上先會有燃脂嘅效果，但最新研究發現，只要5分鐘就可以，人體有70%嘅脂肪都集中喺下身，只要刺激到下半身肌肉，就可以有好大嘅減脂效果～

Photo from Pinterest

抬腿1分鐘

宜家就教大家一個簡單運動，就算喺辦公室都可以做到，只需要抽1分鐘嘅時間，坐喺櫈上面，再將雙腳抬起，呈現同地面平行嘅狀態，然後撐住，維持1分鐘～如果覺得難，就可以由單腳做起！

Photo from eHowFitness@Youtube

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）