泰國頂級酒店品牌登陸大阪，正宗泰式按摩/鄰近難波站/8間特式餐廳

By Pat on 17 Jan 2023

Digital Editor

雖然日本暫時仍然對香港入境有航空限制，準備出發嘅大家都人心惶惶擔憂出發前會有影響，但旅行依然是要Plan的！如果你鍾意去泰國又鍾意去日本，咁嚟緊呢間酒店就啱晒你！泰國最奢華嘅集團「Centara Hotels & Resorts」即將登陸大阪，名為「Centara Grand Hotel大阪」，選址位於大阪難波商圈，而且仲會引入最正宗嘅泰式按摩同SPA同高空照觀餐廳，預計今年2023年7月1日就會開幕！

Photo from centarahotelsresorts

泰國最大規模代表性連鎖酒店品牌

「Centara Hotels & Resorts」是泰國最具規模同代表性嘅連鎖酒店品牌，其主要據點位於曼谷、普吉島等等的13個泰國城市，而海外地區亦陸續進駐馬爾地夫、斯里蘭卡、越南、老撾及緬甸等國家，最近終於宣布會登陸日本開設1號店「Centara Grand Hotel 大阪」，地點就揀喺「難波車站」附近，要去Shopping都非常方便，而且周邊仲有大型商場、電影院、電器街等等，絕對適合自遊行居住。

Photo from centarahotelsresorts

「Centara Grand Hotel 大阪」樓高33層，全座擁有515 間客房，另外更加設有宴會廳、貴賓廊、8間特色的餐廳和酒吧，例如主打特製海鮮料理的「Embassy of Crab」、供應泰式類別的「Suan Bua Thai Restaurant」等等，滿足賓客不同口味。而酒店的頂層亦特設全開放餐廳，可以於最高位置浪漫地一邊欣賞大阪夜景一邊同心愛嘅人共享美食。

Photo from centarahotelsresorts

泰國品牌嘅酒店又點少得正宗泰式水療享受，唔使去到泰國都可以享受到最正宗嘅香薰按摩，而酒店嘅SPA房間特意打造出木質簡約風，利用大地色彩同油畫令賓客彷如置身於田野之間，徹底放鬆身心，係Shopping完嘅一大享受！

Photo from centarahotelsresorts

Centara Grand Hotel 大阪（センタラグランドホテル大阪）
開幕日期：預計2023年7月1日（六）
地址：大阪府大阪市浪速区難波中2-11-50

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

大阪環球影城柯南主題設施真人版密室逃脫解開劇場版之謎

Dec 7, 2022

柯南迷要注意！每年都有人氣動漫加盟的大阪環球影城「Universal Cool Japan」，近日終於公布2023的最新動向，打頭陣的會有《名偵探柯南》，推出全新設施『名偵探柯南 THE ESCAPE～黑鐵的序幕～』以解謎作為遊戲的關鍵，並以真人版密室逃脫作號召，聯同明年上映的劇場版《名偵探柯南：黑鐵的魚影》劇情有所關聯，齊齊解開黑衣組織的陰謀。