《東張西望》主持容羨媛問黃耀英點解唔生仔引議，之前訪問都出事？蔣家旻尷尬接話

By Wing Ws on 05 May 2023

Digital Content Writer

作為節目主持，需要考慮觀眾觀感，小心表達言詞，以免鬧出笑話。TVB高收視節目《東張西望》昨日播出片段中，主持容羨媛以生育問題引入話題，向拍檔黃耀英提問，但卻被指提問方式唔恰當，而引嚟批評。

Photo from 黃耀英 IG

昨晚（4日）播出嘅《東張西望》中，主持容羨媛提到聯合國人口基金會最近發佈嘅《2023年世界人口狀況》調查，當中香港排名第一，即生育率全球最低。容羨媛於是向拍檔黃耀英表示：「嗱！我就已經幫香港生咗兩個小朋友出嚟㗎啦！Derek你又結咗婚咁耐，我想知你點解咁耐都冇生小朋友呢？其實係咪你有問題呀？」黃耀英聞言略帶尷尬：「其實喺香港造小朋友真係一啲都唔容易，又要測驗、考試，學呢樣學嗰樣⋯⋯」容羨媛打斷對方說話：「但係你冇正面回應你係咪有問題喎！嗱！其實要check一check啦，身體健康緊要呀嘛！」然後帶入下一個話題，見到黃耀英無奈地笑住搖頭。而有關片段引起討論，唔少網民批評有關話題唔恰當。

Photo from TVB

現年40歲嘅黃耀英自2014年開始與女藝人李旻芳拍拖，兩人於2019年結婚，並透過《東張西望》宣佈婚訊。據媒體訪問，兩人理財觀念契合，並曾表示需養育年老愛犬及換樓，而延遲生育計劃。婚後數年，兩人關係融洽，曾有網民以黃耀英與其太太李旻芳比較，認為黃耀英高攀太太，而李旻芳其後更護夫表示，老公心地善良，工作態度認真，希望外界唔好誤會。

之前訪問蔣家旻、李盛昌都出事？

2012年加入TVB成為《東張西望》節目主持嘅容羨媛，有10年主持經驗，但原來都曾經「出事」，早前訪問《美麗戰場》嘅蔣家旻、李盛昌時，一開始就好興奮咁話：「全場熱睇蔣家旻兩分鐘強姦戲！」蔣家旻睇落有啲尷尬，陪笑接話：「俾人強姦其實都唔係好好受嘅。」之後，容羨媛又問李盛昌：「你又強姦咗人，然後大家仲好開心支持你，你冇被人鬧，你咪最著數？」，李成昌即否認指：「我好多思考㗎！我哋男演員真係好多思考㗎，有啲位又唔可以過份，但係又要自然，好大壓力㗎！」

Photo from TVB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

《東張西望》主持梁菁琳貼身衣著屢惹批評？！長文解釋服裝打扮，愛著緊身衫獲封「東張女神」！

23 Mar 2023

TVB《東張西望》新一代「東張女神」梁菁琳（Katerina）憑苗條身材獲得網民關注。不過有網民指佢試過著緊身衫採訪小朋友，認為佢嘅衣著似乎唔太恰當引起熱議。Katerina就曾親自解釋穿著「清涼」嘅原因！

Photo from 梁菁琳IG

新一代「東張女神」梁菁琳

梁菁琳（Katerina）喺上年參加《香港小姐》競選，可惜於最後12強止步，但依然獲大台賞識簽約成為旗下藝人。現時佢有份主持大台人氣資訊節目《東張西望》，憑亮麗外型成功引起網民們嘅關注！

Photo from 《We Miss Hong Kong 香港小姐競選準決賽》

Photo from 梁菁琳IG

加入做《東張+》負責採訪科技新聞

TVB早前推出《東張西望》升級版《東張+》，並喺《東張+》記者會中就公佈主持人班底，而主持人都被分配負責唔同專題嘅報導，包括：娛樂、體育、健康醫美等；當時梁菁琳獲安排負責採訪科技資訊。

Photo from 娛樂新聞台

過往曾被讚口才了得

而梁菁琳喺節目中嘅採訪表現都唔錯，喺採訪「後巷盆菜」事件時憑口才成功問到食店負責人口窒窒，獲網民大讚頭腦清晰！除咗採訪技巧備受熱議之外，佢喺節目中嘅衣著打扮都成為咗熱議嘅話題之一？！

Photo from 《東張西望》

最近佢喺電話訪問呢個環節中因為著上V領緊身上衣而展現咗豐滿上圍，亦引起網民熱議指雖然件衫算「密實」，但係Katerina嘅好身材依然表露無遺！

Photo from 《東張+》

被網民批評衣著太「清涼」，似乎唔太恰當？！

之前亦有網民認為佢嘅衣著過分「清涼」，當中有一張截圖就見到佢身穿低胸裝「摀低身」同小朋友做訪問，被網民批評易教壞小朋友？！翻睇返佢過往喺節目嘅打扮，佢都願意毫不吝惜咁大晒完美身材，當中以緊身咖啡色毛衣及露肩貼身衫最受網民歡迎！

Photo from 《東張西望》

梁菁琳解釋著貼身衫背後原因！

梁菁琳出席活動時曾被傳媒詢問衣著問題，佢就大方回應「著貼身啲係為咗方便做嘢！」希望觀眾能夠更關注佢嘅報導。不過佢亦感謝網民讚賞佢嘅身材，直言「相信靚嘅事物大家都鍾意睇！」原來佢選擇著得貼身都係為咗工作！

Photo from 梁菁琳IG

Photo from 《東張西望》

後來佢亦喺IG發表長文，表示參加《全能司儀選拔大賽2022》時被指「賣弄性感」，佢重申採訪時正值夏天，為方便去後巷視察或喺室外追住路人訪問，以及避免衣服會被器材或者周圍環境勾到，佢都以貼身衣著出動。

Photo from 梁菁琳 IG

梁菁琳又指知道自己身形比一般亞洲女性曲線天明顯，但唔認為要故意隱藏自己嘅身形。佢表示希望觀眾會留意佢嘅採訪技巧同埋工作態度。

Photo from 梁菁琳 IG

入行前於新加坡擔任獸醫

其實平時梁菁琳喺IG上載嘅照片，相信佢自己私底下都比較鍾意貼身及清涼嘅衣服呢～除咗擁有完美身材之外，梁菁琳亦非常有才華！喺參選之前佢喺新加坡專科醫院擔任獸醫，曾於澳洲著名嘅悉尼大學以雙重一級榮譽畢業，後來因為疫情關係選擇辭職返港陪家人。入行後，佢透露自己依然關注動物福利，希望能夠一邊從事演藝工作，一邊幫助小動物，真係好有愛心～