東京迪士尼正式取消Fast Pass！轉推新快證系統，即睇最新教學懶人包

By Jennifer on 09 Jun 2023

Digital Editor

今晚食乜餸：小二，嚟一碟花生！

去東京迪士尼好多遊樂設施都要排隊，攞Fast Pass是常識吧！不過最近東京迪士尼已正式取消免費嘅Fast Pass，適逢今年係東京迪士尼度假區開園40週年，園方推出最新「東京迪士尼度假區40週年優先入場卡Priority Pass」，即睇點用！

Photo from 東京迪士尼度假區

去主題樂園都想玩多幾個設施，但個個設施都要排隊，想節省排隊嘅時間玩多幾個地方最好當然就係攞Fast Pass啦！東京迪士尼幾個熱門遊樂設施前面都設有Fast Pass機，只要領取Fast Pass，就可以喺安排嘅時間內到設施，大大減少等候時間，仲係免費嘅添！

Photo from 東京迪士尼度假區

最近東京迪士尼推出官方APP，遊客可以直接喺APP取得Fast Pass，不過到2022年5月APP推出「迪士尼尊享卡 Disney Premier Access」，即付費Fast Pass服務。

Photo from 東京迪士尼度假區

Disney Premier Access收費最平嘅遊樂設施快證售價為2000日圓（約113港元），購入Fast Pass嘅旅客人可經優先通道入場遊玩指定設施，唔同嘅遊樂設施Fast Pass嘅價格亦會有所不同。

Photo from 東京迪士尼度假區

2023年正係東京迪士尼度假區開園40週年，為紀念40週年，園區將於暑假推出「東京迪士尼度假區40週年優先入場卡 Priority Pass」，同之前嘅迪士尼尊享卡差唔多，只需於APP內選擇想玩嘅設施即可獲得快證。

Photo from 東京迪士尼度假區

「Fast Pass」服務已於6月7日正式終止，遊客以後想取得快證就需要用東京迪士尼官方APP，目前「40週年紀念優先入場卡 Priority Pass」服務係免費，不過免費只係期間限定，日後呢項服務將會變返付費模式。

Photo from 東京迪士尼度假區

即睇：東京迪士尼App教學懶人包

可以領取Fast Pass嘅遊樂設施有14個：

（東京迪士尼樂園）星際旅行：冒險續航、太空山、巴斯光年星際歷險、巨雷山、小熊維尼獵蜜記、幽靈公館、怪獸電力公司「迷藏巡遊車」
（東京迪士尼海洋）水上逗趣船、印第安納瓊斯冒險旅程：水晶骷髏頭魔宮、海底兩萬哩、龜龜漫談、海底巡遊艇：尼莫與好友的海洋世界、神燈劇場、忿怒雙神

Photo from 東京迪士尼度假區

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

東京迪士尼樂園全新3種PASS一覽！能預約餐廳+遊樂設施，用官方APP購買即可

3 Nov , 2022

去東京唔少人都會選擇到迪士尼樂園或者Disney Sea（迪士尼海洋）玩返一日～不過早於2020年，東京迪士尼樂園已經取消咗Fast Pass，並以另外3種方式取代，等遊客可以事先預約餐廳。宜家等我哋為大家介紹3種Pass嘅功用啦～

Photo from 東京迪士尼樂園網站

1. Standby Pass （預約等候證）

為咗令旅客們擁有更好嘅遊玩體驗，東京迪士尼推出全新嘅Standby Pass。此許可證係毋需額外收費嘅，大家只需要於App Store Download日本迪士尼度假區官方App即可取得！而旅客只需要係指定特定時間抵達設施就可以，而且仲可以預約餐廳，咁就唔怕排隊等位搞到冇時間玩喇！

Photo from 東京迪士尼樂園網站

值得一提嘅係於非繁忙時間，App上可能無法預約Standby Pass，到時就只能夠乖乖排隊等候；而且呢個pass並唔能夠保證大家一定能夠進場，所以去玩嘅時候就必須隨時隨地留意住App嘅最新狀況喇！

Photo from 東京迪士尼樂園網站

>>>Download 東京迪士尼APP程序<<<

2. Disney Premier Access（DPA）迪士尼專享卡

Disney Premier Access（DPA）於2022年5月19日開始實施，簡單而言即係「需要付費嘅Fast Pass」，幫助大家減少排隊等候嘅時間。不過DPA只能夠喺特定時間使用，每個遊樂設施大約係2,000日圓（約港幣$106），大人小童價錢一樣。而旅客亦唔能夠同時購買多個DPA，必須用完一張先能夠再購買。