皇者級鮮味火鍋！旺角象拔蚌同鮑魚抵食高質邊爐～仲有養生藥膳湯底揀！

香港人鍾意「打邊爐」，係唔分春夏秋冬季節！位於旺角中心地帶嘅「一鍋豐」，就以任食火鍋同新鮮刺身作為招徠。無論係湯頭或者食材方面，都十分講究！放工約朋友gathering，打邊爐絕對係最佳選擇！
Photo from presslogic

為咗將最「鮮」滋味送到客人口中，「一鍋豐」所有食材均來自世界各地，而且仲有多種創意十足嘅火鍋配料。坐嘅環境都好舒服～
Photo from presslogic

小編等唔砌啦～一嚟到，梗係揀咗個湯底先！餐廳有成10幾款火鍋湯底，例如南瓜蘋果魚湯鍋、椰子雞鍋等等⋯⋯不過識食嘅小編，今日就揀咗2款出邊好難搵到嘅湯底--川芎天麻大魚頭鍋同馬來喇沙大頭蝦鍋！前者養生，後者野味！

川芎天麻大魚頭:

屬於藥膳湯，係全香港嘅火鍋店，真係算罕見湯底之一。最重要係，藥膳湯係廣東人常用於女性活血祛瘀、補血，或者祛頭風，治偏正頭痛， 真係女生嘅大愛啊！唔好以為會好重藥味而好苦，食落去反而味道充滿魚鮮香味，又有點甘香味～唔理係男仔定女仔，都一樣岩食嫁！
Photo from Presslogic

馬來喇沙大頭蝦鍋：

馬來西亞嘅喇沙大家都食過，好少會打邊爐飲湯～但千祈唔好錯過呢個喇沙湯底，帶有點點嘅辣味。最重要係湯底嘅大頭蝦，真係超！大！隻！咬落去都係啖啖肉～無得頂啊！
Photo from presslogic

揀完湯底，小編都急不及待想要叫個火鍋套餐啦！

象拔蚌海鮮火鍋餐:

套餐以象拔蚌作主題，並挑選出時令當做海鮮，提供一共12款特色配料同6款刺身！留意啦～呢度嘅海鮮每日新鮮送到，真係海鮮之選！
Photo from presslogic

而尊貴嘅海鮮都唔少得，例如: 東星斑 片、鮑魚仔、象拔蚌、珊瑚蚌、桂花蚌、蠔等等都可以令你飽到行唔到！最重要最瘋狂嘅係，呢個套餐仲特別提供森寶/藍妹啤酒、紅酒白酒任飲！
Photo from presslogic

鮑魚海鮮火鍋餐:打邊爐食鮑魚真係好奢侈！呢度嘅鮑魚絕對係品質保證，每一隻都係新鮮無腥味，入口鮮甜。而套餐仲特設一份5款海鮮嘅拼盤，拼盤中都係大廚特選海鮮，例如:海斑，鮑魚仔，珊瑚蚌， 桂花蚌，殼蠔等等。真係好豐富！
Photo from presslogic

最最特別係，打邊爐都有刺身任點啊！真係滿足每個人口味～
Photo from presslogic

而食到好飽嘅小編，一樣對任食甜品唔放過～芝麻味雪糕真係好好味！而依加，餐廳仲會有最新優惠： 就係晚飯時段6人同行，會5人收費，而宵夜時段都有9折優惠！朋友慶祝生日gathering真係無得輸！大家都快D嚟試下啦～

「一鍋豐」

電話:2771 8833

地址:旺角彌敦道 593-601 號創興廣場 18 樓

營業時間： 星期一至日17:00-03:00

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載