王君馨拍片再談末日論預言9月「呢兩日」係審判日：一定上唔到天堂！

By Macy Sun on 22 Sep 2025

Digital Editor

現年39歲的王君馨向來奉信基督教，日前她就在社交平台嚴肅發片，提出人工智能（AI）的發展可能會為人類帶來危險的言論，並直言「真係時間無多！真係要末世喇！」，引起網上極大爭議！而近日王君馨就再度發功，拍片再講解她之前AI世界末日元兇的言論，並預言9月「呢兩日」會是審判日？！

前情：

王君馨拍片指世界末日將至憂AI引發危機勸世人覺醒：自掘墳墓都唔知！

王君馨預言9月「呢兩日」係審判日

View this post on Instagram

A post shared by G. Racie 王君馨 (@gwgurlie86)

王君馨日前再拍片，進一步講解她之前所指AI是世界末日元兇的言論，她指網上有傳耶穌再臨的審判日相當近，甚至有傳是今年9月23、24日：「所有耶穌嘅門徒有一日，都一定會被提！This is the Rapture of the Church!! 係幾時我就唔肯定，但係呢件事係一定會發生！同埋近排喺網上，甚至我身邊一啲嘅基督徒，都覺得呢個日子好近，有啲仲覺得係今年嘅「吹角節」9月23/24號。Rosh Hashanah : Feast of Trumpets （no one knows the day or hour）即係話有可能剩返幾日。」

王君馨：一定上唔到天堂！

Photo from 影片截圖

王君馨又再引用聖經做論據說明：「無論係幾時都好，其實做基督徒都應該有心理準備耶穌任何一日都可以返嚟。我只係要問自己：我準備好了嗎？加埋AI進展嘅速度，Bill Gates上個月話我哋好快應該會進入一個冇手機嘅世界，以後所有嘢可能會以一個電子紋身擺喺你手上。Please look up： Bill Gates electronic tattoos !!弟兄姊妹們，當呢啲事慢慢發生嘅時候，我哋千祈唔好以攞呢個獸印！因為有咗呢個獸印就一定上唔到天堂！真係唔係想嚇大家，但係我必須要用愛心說誠實話！」

王君馨：唔好沉睡，一定要醒覺！

王君馨更強調：「希望每一位收到呢個訊息嘅人，無論係唔係基督徒都要知道將會有一件咁嘅事發生！我哋唔好沉睡，一定要醒覺！同埋唔好淨係睇我呢一個片，自己好好去做research，好好認識耶穌，好好打開本聖經看看，尤其係馬太福音同埋啟示錄！」她亦向未認識耶穌的朋友表示：「我求上帝會打開你屬靈嘅眼睛同耳朵，知道你有一個造天造地的爸爸好愛，好愛你！親愛的弟兄姊妹，時間無多了，我哋要好好活着每一天，活好基督嘅生命，有啲乜嘢係你覺得神call你去做嘅事，就快啲去做啦！希望我哋遇見天父爸爸嘅嗰一日」。