那些年你一定追過嘅台劇 五大hit爆之選 無睇過嘅你究竟童年點過！

想當年，台星處於巔峰時期，熱爆台劇一部接一部。你地有所不知佢地陪伴住小編我渡過幾多個難捱嘅星期一放學時光。唔知以下呢幾部劇，你又睇過幾多部呢？

話說仲記得嗰陣啲台劇係勁黑人憎，一星期先出得嗰一集。仲要通常係星期日夜晚出，咁小編就會星期一全日番學都係度諗住，放學嗰陣就會9秒9狗仔衝番屋企，第一件事就係睇下台劇網upload咗最新嗰集未！諗番都覺得有點兒回味。

1.惡作劇之吻

Photo from Pinterest

係惡作劇之物啊，並唔係惡作劇2吻，唔同㗎！佢可以話係小編最愛嘅台劇，嗰陣係咁幻想自己有日都會有個IQ200嘅靚仔天才鍾意自己，仲要吹到無啦啦地震，屋企無咗，搬去阿爸個fd屋企，然後發現阿爸個fd個仔就係自己暗戀嗰個天才，然後ff全世界都好羨慕我。

Photo from Pinterest

湘琴同直樹真係最典型嘅偶像劇couple啦！直樹喺雨中表白嗰幕，有幾震撼人心你明唔明！

2.黑糖瑪奇朵

Photo from Pinterest

呢套想當年亦都係轟動全世界棒棒堂同黑澀會嘅粉絲㗎！係佢地粉絲應該都知道，要睇佢地同台簡直難過登天，難得合體演情侶拍劇，OMG！

Photo from Pinterest

唔知大家當年係咪都係睇咗呢套劇之後，就有咗自己支持嘅cp呢？小編表示forever鬼王戀，係！係MK㗎啦！但真心嗰陣好激氣，點解佢地會無嘴戲㗎！「我的王子～」

Photo from Pinterest

都過咗成10年啦，真係好想佢地可以重新拍一套新嘅劇囉！

3.下一站幸福

Photo from Pinterest

呢套就係哭哭嘅表表者啦！幾乎集集都有喊位，雖然離唔開都係有錢少爺同窮小妹嘅戲碼，但係就係鍾意呢啲老套野啊，吹咩～不過都未係最老套，最老套係當兩個人以為可以相愛，光晞就發現自己有cancer，然後就上演一場扮我唔愛你啦嘅戲碼，之後仲失埋憶，真係樣樣齊。

Photo from Pinterest

到最尾經歷過咁多，終於可以起番埋一齊，嗰刻真係好感動，所有回憶連最經典歌詞「我愛他轟轟烈烈最瘋狂」一次過湧現。講起都想睇多次！

Photo from Pinterest

4.海派甜心

Photo from Pinterest

呢套就係同下一站幸福同期播嘅，男女主角仲要係台灣地區紅爆嘅楊丞琳同羅志祥。寶珠姐～林達浪～寶珠姐～ ok。小編當初會咁沈迷呢套戲，依家諗番最大嘅原因應該都係小編想當年係加入羅志祥歌迷會，即係SFC黎㗎，哈哈。唔好笑我！

Photo from Pinterest

楊丞琳仲拎咗最佳女主角添！

Photo from Pinterest

5.我可能不會愛你

Photo from Pinterest

通常偶像劇都係以侵入少女心未主題，但係呢套就係少有嘅偶像劇講輕熟女嘅愛情。跳出咗台劇嘅框框，講一個成熟現實嘅故事，由老朋友演變成戀人。

Photo from Pinterest

李大仁嗰陣真係每個女人心中嘅男神啊！

Photo from Pinterest

咁多套熱爆台劇，唔知邊套係你嘅最愛呢？

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載