聖誕食乜好？去澳門食好西～～餐喇！1.2kg戰斧牛扒 食到你怕 配上超軟滑忌廉薯蓉

聖誕食大餐是常識吧？諗咗聖誕去邊度慶祝未呢，唔想stay喺香港咁悶，但係去旅行又怕太貴播，點好呢？不如去澳門走一轉呢～未諗到食咩嘅，不如考慮下呢間喇，仲有新菜式添啊，無論係同另一半定係一班朋友，都好適合㗎！

今次介紹嘅係澳門Ritz-Carlton好出名嘅Ritz Carlton Cafe喇！先介紹嘅頭盤俾大家，離不開都係沙律喇。有呢個海鮮沙律，入面有蝦、帶子同魷魚㗎！好新鮮，好好食！

Photo from PressLogic

另外呢款就比較清新。

Photo from PressLogic

食完沙律，食下海鮮呢～呢個Pacific Prawn都好好食！煎得好想，而且肉質保持到好彈牙㗎！

Photo from PressLogic

小編覺得聖誕大餐一定要係西餐，仲一定要有扒食！所以呢個就啱曬喇，有成1.2公斤嘅戰斧牛扒，因為長長嘅牛肋骨就好似一把斧頭咁。而且呢個戰斧牛扒好講究㗎，係取自牛中腹嘅部位，仲要係第6至第8根肋骨之間切30cm長嘅骨頭出黎，連埋1kg嘅連骨肉。哇，講出黎都知係正野喇下話。

Photo from PressLogic

不是開玩笑，「斧炳」嘅部分係牛肋骨，「斧頭」就係肋眼牛排，啲油花分佈得好均勻，好嫩好肥美，諗起都正！而且serve嘅方法係有位法籍廚師係你面前表演切肉嘅，成件事幾high。

Photo from PressLogic

另一個重點係咩你知唔知，除咗有塊牛扒，仲有兩舊牛脊髓骨。超！好！食！不過小編提提你，是有點兒膩嘅，記得開心share喇！

食牛扒有side dish是常識吧！小編超私心推介，忌廉薯蓉！食遍天下忌廉薯蓉嘅小編表示，真不愧係佢地嘅signature dish，好滑喇，好有忌廉味，總之係會停唔到口。

Photo from PressLogic

講完牛扒，不如介紹個特別啲嘅野俾你地喇～魚大家食得多，但係魔鬼魚又有無食過呢？小編見識少，好少見到有魔鬼魚食。魔鬼魚煮得好嫩滑，而且原來係要片住黎食，由上至下，一塊塊咁，又係幾好食㗎播。

Photo from PressLogic

魔鬼魚配嘅side dish就係雜錦蔬菜喇，唔好以為會無味，其實清清地都幾正㗎！

Photo from PressLogic

哇哇哇！大餐點可以無甜品啊，聽講呢度嘅心太軟好出名㗎！蛋糕質地實在得黎唔會嚡，流心唔洗講喇，is a MUST喇！放心，絕對唔會太甜，配埋個雲尼拿雪糕雪糕，正ssss！

Photo from PressLogic

澳門Ritz-Carlton Cafe
地址：路氹城「澳門銀河™」綜合渡假城澳門麗思卡爾頓酒店地下
電話：8886 6868

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載