成日失眠搞到冇精神？唔洗驚！一招輕鬆K.O.失眠 令你快快入睡~踢走熊貓眼！

香港人多車多，個個都為左生活忙碌奔波，日日都番工番學好大壓力～所以好多人都有失眠問題，但原來簡單一招就可以快快入眠！

日日番工番學明明好努力，但啲野好似做極都做唔完⋯放左工、放左學都要諗住，所以個腦就冇得好好休息，搞到壓力大而失眠。

美國德克薩斯州嘅貝勒大學就以呢個問題進行左一項研究實驗。佢地嘅團隊邀請左50多個志願者，分成兩組，兩組都以10點半作為作息時間。

一組就咁用腦記住聽日要做嘅工作，而另一組就喺瞓覺前5分鐘，寫一張聽日嘅To Do List (工作清單)~
結果發現，有寫To Do List嘅志願者平均15分鐘就可以入眠；相反，冇寫嘅志願者平均最少要25分鐘先入睡。

有寫To Do List嘅志願者差唔多快一倍時間入睡！研究人員話，咁神奇嘅效果係因為寫To Do List 可以將壓力同憂慮等嘅負擔轉移，令精神放鬆，比較易瞓～

不過呢個習慣只要自然樣成就得喇～唔洗晚晚都迫自己做，如果唔係有機會弄巧反拙嫁！
今晚一於試下，一齊瞓番個好覺，唔再做熊貓啦！

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載