【小編試食】期間限定！日本極善良人氣抹茶合味道杯麵！沖咗水竟然係咁嘅色！？

早前日本的日清合味道杯麵推出三款全新口味，包括：抹茶海鮮杯麵，U.F.O 梅昆布茶鹽味炒麵及Don兵衛壽喜燒風肉汁爆滿烏冬～
三款新口味已在日本於1月23日發售～
而風靡全港嘅當然係抹茶味杯麵～
大家除咗好奇佢嘅味道，更加想知到底佢咩樣同香港有冇得買！
今日，小編終於試到喇！！！

近年抹茶風唔只於香港盛行，其實喺日本一樣誇張！依家咖哩飯、烏冬、蛋糕通通都出晒抹茶味！
連日清都乘勢推出抹茶x海鮮杯麵的組合，更加採用浮世繪 X 動漫風嘅設計包裝，將日本傳統文化風味與創意結合。

一開時會見到一粒粒抹茶粉粒，其實就好似平時味精粉一樣，但粉粒沖水效果會令湯汁更濃郁～

日本合味道杯麵份量比香港平時食開嘅多，而且麵條非常吸水！
小編需要加兩次水先整得熟個杯麵啊～

而麵條係綠色嘅抹茶味蒿麥麵，比配搭傳統海鮮湯～
食落有好大陣芝士味！其後只有少量抹茶味回甘，味道偏鹹，建議大家適時加水。
但總括而言，麵條口感堅韌，而且味道十分獨特，抹茶迷未必會熱愛，反而芝士迷會比較喜歡，值得一試！

Photo from 日清合味道

Photo from 日清合味道

今次也推出炒麵款式「日清炒麵U.F.O 梅昆布茶鹽味炒麵」及「日清Don兵衛壽喜燒風肉汁爆滿烏冬」，
前者融入梅昆布茶口味，後者質地和口感豐滿，而且有大豆、牛肉，胡蘿蔔，蔥等材料，大家亦不防一試～

以上三款杯麵每個均售180円，可以拜託朋友去日本旅行買返個做手信試試呢！

但如果唔想煩到人，香港網店一樣幫到你～

AEON網上購物城
網址：aeoncity.com.hk
日清合味道抹茶海鮮杯麵 (77克/杯)
價格：$57/3杯（港幣）
取貨店舖: AEON STYLE康怡 / AEON 屯門店 / AEON 將軍澳店 / AEON 九龍灣店 / AEON 荔枝角店 / AEON 荃灣店 / AEON SUPERMARKET 尖沙咀店

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）