23套超矚目2019上映電影一覽萬眾期待已久卡通片卡通真人版驚嚇片英雄片

By Charlotte on 09 Aug 2018

Editor

如果脂肪能賺錢，也許已養起全世界。妄想只吃只睡能過一生，看來還要多多努力。喜愛旅遊，喜歡到處尋找美食。每天也要化妝，再累也要戴con出門，大概是唯一的堅持。

黎到2018年下半年，係時候睇定下年2019年有咩好戲上映喇喂！今年好多好戲上映，不過下年都唔執輸㗎！除咗又係有幾套Marvel之外，仲有好多大家期待已久嘅電影上映！等小編為大家介紹其中23套超矚目電影喇！

1.《復仇者聯盟4》- 2019年5月3日（預計上映）
Photo from Avengers：Infinity War
上集講到好多英雄都灰飛煙滅咁款，睇到各位Marvel迷都羅羅攣啊！而且最尾彩蛋仲透露Captain Marvel即將登場！唔知佢係咪拯救各位英雄嘅關鍵人物呢？喺揭曉之前，Marvel將會率先推出《Captain Marvel》獨立電影！咁《Captain Marvel》幾時上映呢？

2.《Captain Marvel》- 2019年3月8日（預計上映）

Who is she! @bosslogic

Brie（@brielarson）分享的貼文於 PDT 2018 年 4月月 4 日下午 7:34 張貼

第一部Captain Marvel嘅獨立電影，亦都係佢第一次出場嘅電影！由Brie Larson飾演，各位Marvel迷真係要拭目以待喇！

3.《Spider-Man：Far From Home》- 2019年7月5日（預計上映）
Photo from Spider-Man Homecoming

4.《The New Mutants》- 2019年8月1日（預計上映）
Photo from The New Mutants
Photo from The New Mutants
《新變種人》係以年輕演員主演，劇情講述新變種人被關喺名為「醫院」嘅神秘研究機構裡面，不斷被進行人體實驗。
Photo from The New Mutants
Photo from The New Mutants

5.《Star Wars：Episode 9》- 2019年12月（預計上映）

6.《Suicide Squad 2》- 2019年（預計上映）
Photo from Suicide Squad
Photo from Suicide Squad

7.《Shazam!》- 2019年4月5日（預計上映）

改編自DC漫畫同名角色Shazam!，劇情講述一名十幾歲嘅少年可以透過咒語「S.H.A.Z.A.M」令自己變身成一名成年姿態嘅超級英雄，而佢變身後將會獲得所羅門嘅智慧、海克力士嘅力氣、阿特拉斯嘅耐力、宙斯嘅力量、阿基里斯嘅勇氣同墨丘利嘅速度。小編表示：即係佢玩晒？

8.《馴龍記3》- 2019年1月（預計上映）

《HOW TO TRAIN YOUR DRAGON: THE HIDDEN WORLD》黎到馴龍記三部曲嘅最終章！少年思噎仔同凶猛巨龍冇牙仔經過多年嘅奇幻馴龍之旅後，終於搵到佢哋真正嘅使命!

9.《LEGO英雄傳2》- 2019年農曆新年（預計上映）
Photo from LEGO英雄傳

10.《Dumbo》- 2019年3月29日（預計上映）
Photo from 小飛象預告
近期Disney陸續推出卡通片真人版，2019年率先獻上《小飛象》真人版，早排有網民話真·小飛象個樣有啲驚嚇，不過鍾意象仔嘅小編就覺得都幾得意啊！個個都識小飛象，唔通個個都真係睇過咩！《小飛象》係講述小飛象被媽媽送走咗，咁啱被男主角一家發現，兩位小朋友非常愛錫佢，仲當咗佢係家人
Photo from 小飛象預告
後黎小飛象被送去馬戲團，展現出佢識飛嘅能力。
Photo from 小飛象預告

11.《Toy Story 4》- 2019年的6月21日（預計上映）
Photo from Toy Story 3
原來對上一集已經係9年前喇！小編仲記得上一集真係好感動㗎！第4集，一眾玩具嘅主人Andy將不會再出現，故事講述胡迪、巴斯光年同翠絲出發尋找失蹤嘅牧羊女。

12.《The Lion King》- 2019年7月19日（預計上映）
Photo from Lion King 預告
除咗Dumbo真人版，《Lion King》真人版相信都係非常萬眾期待㗎喇！話晒經典卡通《Lion King》係一部無任何人類角色嘅卡通片，唔知去到真人版，效果又會點呢？有傳係用CG結合真人黎做。
Photo from Lion King 預告

13.《魔雪奇緣2》- 2019年11月27日（預計上映）

事隔6年，《Frozen2》終於上映！當年周街都好似仲曬Elsa毒咁，甚至到依家都仲見到好多小朋友會著Elsa Anna裝，拭目以待到時又會引起一番點樣嘅熱潮呢？

14.《Hellboy》- 2019年1月11日（預計上映）
Photo from Hellboy
2004年同2008年都分別已經上映過《天魔特攻》系列嘅電影，但係今次呢套並唔係第三集，而係重啟版！

15.《Godzilla: King of the Monsters》- 2019年5月31日（預計上映）
Photo from Godzilla: King of the Monsters預告
係2014年《哥斯拉》嘅續集，4隻怪獸又會上演一場點樣嘅激戰呢？

16.《Hobbs And Shaw》- 2019年7月26日（預計上映）
Photo from Hobbs And Shaw
兩大動作影星Dwayne Johnson同Jason Statham合作演出《狂野時速》嘅外傳電影《Hobbs And Shaw》，原本《狂野時速9》會喺19年上映，依家就會延遲到2020年。

17.《未來戰士6》- 2019年的7月26（預計上映）
Photo from 未來戰士6
今次《未來戰士6》係承接《未來戰士2》嘅結局，而第2集打後嘅劇情，請自行delete記憶。而今集70歲嘅阿諾舒華辛力加同61歲嘅蓮達咸美頓將會回歸，再次演出T-800同Sarah Connor，以連接新舊兩個版本。
Photo from 未來戰士2

18.《glass》- 2019年1月18日（預計上映）
Photo from Glass
呢套驚悚片將2016年嘅《思·裂》同2000年嘅《不死劫》，兩個結局之後嘅故事發展合併。
Photo from Glass預告Photo from Glass預告

19.《殺神John Wick 3》- 2019年5月（預計上映）
Photo from 殺神
將會係John Wick系列嘅最尾一集。承接上一集內容，奇洛李維斯飾演嘅John Wick因為打破咗酒店嘅規矩（酒店範圍內，各殺手不得殺人）而被下追殺令，能夠將佢殺死嘅人會得到重酬，John Wick因而需要同佢嘅愛犬一齊逃亡。一位殺手被一堆殺手追殺，相信真係會相當刺激！

20.《詭屋驚凶實錄3》- 2019年（預計上映）
Photo from The Conjuring 2
以真實故事改變嘅詭屋驚凶實錄系列，有傳第三集會係以人狼做主題。
Photo from The Conjuring 2

21.《The Crooked Man》- 2019年（預計上映）
Photo from The Crooked Man
《詭屋驚凶實錄2》入面其中一位鬼怪嘅獨立外傳電影，The Crooked Man 呢隻鬼怪係黎自一首詭異嘅童謠「有個扭曲的男人...」
Photo from The Crooked Man

22.《Annabelle》- 2019年7月3日（預計上映）
Photo from Annabelle
未正式命名嘅第三套《Annabelle》電影，故事繼續以受到詛咒嘅瓷公仔做主角。咁多位恐怖片粉絲，密切期待喇喂！
Photo from Annabelle

23.《小丑回魂2》- 2019年的9月6日（預計上映）
Photo from 小丑回魂
上集喺2017年票房大賣，仲難得有恐怖片登上咗香港一週票房冠軍！續集已經喺今年6月開拍喇！喺上集嘅尾聲，女主角就講過話將來長大都要同大家一齊對抗小丑，仲立下血誓一定會將小丑徹底消滅！不過當年咁無畏無懼嘅孩子們，大個咗之後，都會有自己嘅生活自己嘅牽掛，又係咪個個都願意兌現承諾呢？
Photo from 小丑回魂