研究發現：睇戲易喊比人更堅強/有優勢！同理心使人更擅交際 也能從電影中學懂釋懷！

唔少人總對睇戲睇到喊嘅人有少少偏見，覺得呢種人咁容易就喊，咁水皮㗎。但其實呢群睇戲會喊嘅人，原來係畀大家想像中堅強，甚至可能比一般人有優勢！大家唔好再歧視易喊嘅人啦！

Photo from Shutterstock

唔知大家有無試過喺失意難過時，特意睇返套令人揪心嘅電影，等自己好好咁大哭一場呢？其實呢個行為係一種健康地發洩情緒嘅舉動，唔止可以令心底嘅情緒得以抒發，仲有助自己重新振作！除此之外，亦有研究發現，會睇戲睇到喊嘅人，其實比一般人喺社交上更有優勢。

Photo from Shutterstock

有研究指出，睇戲睇到喊嘅人比一般人更有「同理心」，呢種人善於透過觀察他人經歷、面部表情、說話語氣等，代入他人角色，了解其感受。所以喺待人相處上，好識得睇人眉頭眼額，無咁容易得罪人都唔知啊！

Photo from Shutterstock

有好多人都會忽視或低估「同理心」嘅優勢，但其實同理心對於經營一段關係上，無論係工作、朋友、伴侶等都有好多好處，同理心令人更懂得企係他人角度出發，懂得設身處地為他人着想，明白別人嘅悲傷，係一件好事嚟㗎！

Photo from Shutterstock

研究當中仲有項驚人發現，就係原來會睇戲睇到喊嘅人，性格通常都係較為外向、有女性氣質、有自信等，大部分睇戲睇到喊嘅女性仲會主動向研究人員分享，發洩自己嘅情緒，所以易喊嘅人絕非一般人所講嘅軟弱同負面㗎！

Photo from Shutterstock

除咗同理心外，唔難發現有部分令你看哭嘅場面，都可能係你曾經歷過嘅傷感事，例如失戀、離離合合、生老病死等，需要好大勇氣去面對，日後再從電影中經歷，看得懂再痛快大哭一場，絕對係一種解脫與釋懷，所以其實你好堅強！

Photo from Shutterstock

大家記得唔好再話好容易睇戲睇到喊嘅人，係軟弱同好煩好無謂啦！

圖片來源：Shutterstock

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）