皮膚差？瞓得唔好？戒甩8個睡眠壞習慣 幫你重拾靚靚肌膚

轉吓眼又到咗星期日晚，聽日又係要返工嘅日子喇！唔個大家有冇同小編一樣愈瞓愈攰，有時仲會因為咁而搞到面仔啲皮膚差晒，不過唔駛驚。

小編發現原來以上種種係同下面嗰8個壞習慣有關㗎！

1.唔記得搽護膚品就瞓

夜晚係護膚嘅最好時機，加上晚間嘅護膚品大多係針對皮膚再生同防衰老，如果唔記得咗，就等於錯失咗一個保養嘅好時機喇。每晚喺洗臉後同瞓前嘅呢一段時間搽護膚品，就可以令肌膚有一整晚嘅時間好好吸收。

Photo from shutterstock

2.趴著或側睡

唔少人瞓覺都會鍾意趴喺度，不過其實趴睡除咗會造成腰背痛之外，仲會因為面同枕頭之間嘅磨擦而令皺紋加深。

Photo from shutterstock

另外，側睡則會因為磨擦嘅關系令面部兩邊嘅皺紋變深，所以對皮膚最好嘅睡姿就你係仰睡，咁就可以避免咁磨擦嘅問題。

Photo from shutterstock

3.唔卸妝瞓覺

化住妝瞓對皮膚品唔好，呢個應該係人都知㗎喇！因為如果你唔卸妝就瞓，喺瞓覺時化妝品同油脂就會深入毛孔，令皮膚老化，加上咁做嘅話你仲有可能會因為皮膚變乾，而引起敏感。

Photo from shutterstock

4.睡前喝酒

唔少人都有瞓前小酌嘅習慣，因為佢哋會覺得飲酒之後可以令人心情放鬆。不過，其中酒精係會影響人嘅睡眠周期，令你難以進入深沉睡眠，咁樣皮膚自然就得唔到足夠嘅休息喇！

Photo from shutterstock

5.冇將頭髮向上撥或綁起

瞓覺時任由頭髮散在臉龐，亦係令你皮膚變差嘅原因之一。因為頭髮之中含有油脂，持續喺睡眠時同皮膚按觸，就有可能導致皮膚容易出現痘痘嘅情況。

Photo from shutterstock

6.唔換枕頭套及床單

床單同枕頭套容易積聚灰塵、塵蟎等致敏源，再加上皮膚、頭髮留低嘅油污，令床具變髒。污穢嘅床具同身體接觸多咁，就會容易引起皮膚過敏或者發炎，所以最好都你每個星期更換一次為佳呀。

Photo from shutterstock

7.睡覺溫度太低或太高

都市人習慣夏天開冷氣，怕凍嘅冬天仲會開暖氣添，不過依啲用嚟提高睡眠質素嘅方式，同時亦係導致皮膚乾燥嘅原因。

Photo from shutterstock

8.瞓覺唔定時或太夜瞓

人嘅身體其實每日由晚上8時開始，皮膚就會開始進行保濕工作，到咗11時就會啟動自行更新程序，到咗凌晨3至5時就會休息。不過小編相信如果要大定8時上瞓絕對係冇可能嘅事，但如果可以盡量固定喺11時前睡覺，不但可以令皮膚變好，身體健康亦會有所改善㗎！

Photo from shutterstock

資料來源

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）