林家棟客串麥浚龍新歌MV《困獸·28》一個屬於董折同浦銘心28歲嘅故事

麥浚龍（JUNO）同謝安琪（KAY）嘅合作企劃，以「董折」、「浦銘心」兩個角色貫穿所有歌曲同MV。二人先後推出《人妻的偽術》、《勇悍·17》及《一個女人和浴室》，最新推出嘅就係《困獸·28》。

Photo from JUNO

《困獸·28》係講述28歲嘅董折同浦銘心（謝安琪飾演）一個十年後嘅生活，形容董折被種種社會同家庭壓力包圍嘅28歲！為咗呢部MV，JUNO仲邀請咗林家棟同樂隊RubberBand成員啊正客串。林家棟聲演董折上司，而啊正則演醉酒客人。

Photo from JUNO

MV入面部分嘅對白，用上張洪量嘅《你知道我在等你嗎？》，剛好帶出歌曲故事北京嘅設置年代；同時呢段MV帶出埋有林家棟飾演嘅上司嗰份苛刻有幽默嘅壓迫力。

Photo from JUNO

JUNO筆下嘅董折係喺造紙廠做檢查員，取景、佈置都非常真實。「董折」同「浦銘心」坐低對話嘅環境、燈光，完美營造復古氛圍，以及緊張壓迫嘅氣氛。

Photo from JUNO

JUNO接受訪問嘅時候話：「28歲（入行十周年）嗰年，我冇以歌手身分進行公開慶祝，亦選擇放低咗舉行演唱會嘅邀請。反而係我收起自己，閂埋電影廠嘅門，一整年就完全封閉咁拍咗殭屍呢部戲。」嗰次係佢第一次做導演。

Photo from 《殭屍》

而啊Kay就話：「董折嘅勇悍出現喺17歲，我嘅勇悍就出現得比較遲，就喺28歲。到咗28歲我先去做啲我意想唔到嘅事，就係出道做歌手！」

Photo from IG @kaytse

正因為JUNO嘅歌同MV係有連貫性，順住次序聽，你能夠切實想像到一個畫面，由17歲到70歲嘅生活、挫折，充斥共鳴感。尤其《困獸·28》，當你成年，出嚟做嘢，好多嘅壓力都一次過湧現，令人透唔過氣！但一一跨過之後，回想以前，真係百感交集！

Photo from 勇悍17

Photo from 《困獸·28》

Photo from 《人妻的偽術》

Photo from 《一個女人和浴室》

Photo from 《（一個男人）一個女人和浴室》

試下順住以下次序去聽，就會出現一個完整嘅故事，慢慢細味！
1.勇悍·17 2.困獸·28 3.人妻的偽術 4.一個女人和浴室 5.(一個男人) 一個女人和浴室

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）