【新冠肺炎】哥倫比亞大學研究：雞尾酒抗體療法或有助於治療/預防

新冠肺炎自月初香港第三波疫情爆發以嚟，已有逾 3000 宗確診感染個案，而喺全球疫情更有至今已超過60萬人死亡。各國除咗加強防疫措施外，醫學團隊亦積極研究疫苗，望可以早日控制疫情。

早前科學雜誌《Nature》中就有哥倫比亞大學醫學教授何大一及其研究團隊發布咗一篇研究報告，報告中指於確診嘅重症患者體內發現多種強效抗體，而如將抗體製成「雞尾酒抗體」或有助治療及預防新冠肺炎。

Photo from shutterstock

其實雞尾酒療法喺1995年提出，目前係愛滋病嘅最佳治療方法。由於療法使用多種藥物，避免病毒迅速產生抗藥性而影響療效，並修復部分被破壞嘅人體免疫功能，令患者減輕痛苦，提高康復機率。

研究從多名患者體內分離出 61 種單克隆抗體，並發現當中有 19 種抗體有效中和病毒。另外，佢哋亦發現2個病毒弱點，並將抗體注入倉鼠體內測試，而結果顯示，抗體於倉鼠嘅肺組織中有效完全阻斷病毒，防止倉鼠受到感染。

Photo from shutterstock

何大一及研究團隊希望臨床安全試驗可以喺今年內開始，如果試驗證實對人體有效嘅話，最快可於明年年初開始進行療效試驗，以協助高危人士預防或治療新冠病毒入侵。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）